2025 jyly Almatydaǵy «Ekomed» adam reprodýktıvti emhanasy ekstrakorporaldy uryqtandyrý (EKU) jáne qosalqy reprodýktıvti tehnologıalardyń (QRT) tıimdiligin arttyrýǵa baǵyttalǵan bedeýlikti emdeýdiń jańa ádisterin engizedi, dep habarlady óńirlik komýnıkasıalar qyzmetiniń baspasóz konferensıasynda «Ekomed» klınıkasynyń reprodýktıvti mamany Aıgerım Ahmetova.
«Biz uryqtandyrýdyń tabıǵıǵa jolǵa barynsha jaqyn bolýyna múmkindik beretin Piezo ICSI ádisin belsendi túrde engizip jatyrmyz, sonymen qatar embrıondardy taldaýda jasandy ıntellekt qoldanamyz», - dedi spıker.
Mamannyń aıtýynsha, emhana analyq jasýshalar men embrıondardy krıokonservasıalaýdy qoldanýdy keńeıtýde, bul áıelderge urpaqty bolý jasýshalarynyń sapasyn joǵaltpaı bosanýdy keıinge qaldyrýǵa múmkindik beredi.
Almatyda tuqym qýalaıtyn aýrýlardy joqqa shyǵarýǵa múmkindik beretin sońǵy zerthanalyq dıagnostıkalyq ádister, ımplantasıaǵa deıingi genetıkalyq testileý baǵdarlamalary, sondaı-aq jynys jasýshalaryn krıokonservasıalaý ádisteri engizilip jatqanyn da aıta ketken jón.
«Tehnologıanyń damýy men qalanyń ǵylymı áleýetiniń arqasynda biz otbasylarǵa balaly bolýǵa kómektesip qana qoımaı, genetıkalyq patologıaǵa baılanysty qaýipterdiń aldyn alamyz», - dep atap ótti maman.