Memleket basshysynyń memlekettik baǵdarlamalardy ulttyq jobalarǵa transformasıalaý jónindegi tapsyrmasyn oryndaý maqsatynda kásipkerlik belsendilikti arttyrýǵa, kásipkerlerdiń ósýin jedeldetýge jáne jańa nıshalardy qalyptastyrýǵa, sondaı-aq básekelestikti keshendi damytýǵa baǵyttalǵan Kásipkerlikti damytýdyń 2021-2025 jyldarǵa arnalǵan ulttyq jobasy ázirlendi jáne bekitildi, dep habarlaıdy Almaty-akshamy.kz
Ulttyq jobany iske asyrý barysynda 2025 jylǵa qaraı JİÓ-degi shaǵyn jáne orta kásipkerliktiń úlesi 35%-ǵa deıin ulǵaıady, JİÓ-degi týrızm kóleminiń ósýi 8,4 trln teńgege deıin ósedi, ekonomıkadaǵy memlekettiń úlesi 14%-ǵa deıin tómendeıdi jáne 995,3 myń jumys orny qurylady dep josparlanýda.
Ulttyq joba 10 mindetti kózdeıdi, onyń 3-eýi halyqty jumyspen qamtýǵa járdemdesýge baǵyttalǵan: óz isin ashý jáne damytý úshin jaǵdaı jasaý, sýbsıdıalanatyn jumys oryndaryn uıymdastyrý arqyly kásipkerlerdi qoldaý jáne kásipkerlerdiń qajettilikterine qaraı daǵdylardy damytý.
Birinshi mindet sheńberinde aýdandardyń master-josparlary jasalady, «Bastaý Bıznes» jobasy boıynsha kásipkerlikke oqytý júrgiziledi, sondaı-aq jas kásipkerler men halyqtyń áleýmettik osal toptary qataryndaǵy azamattarǵa jańa bıznes-ıdeıalardy iske asyrýǵa mıkrokredıtter men granttar beriletin bolady.
Ekinshi mindetti iske asyrý sýbsıdıalaý arqyly jumys berýshilerdiń yntasyn arttyrýǵa arnalǵan ózekti quraldardyń kómegimen, al jas mamandar úshin óz daǵdylaryn arttyrýǵa, kásibin tabýǵa nemese ýaqytsha jumysqa ornalasýǵa múmkindik berý arqyly júzege asyrylady.
Osylaısha, «Jastar praktıkasy», «Alǵashqy jumys orny», «Urpaqtar kelisimsharty» jobalarynyń arqasynda 29 jastan aspaǵan, mamandyǵy boıynsha jumys tájirıbesi joq, jaqynda oqýyn aıaqtaǵan nemese múldem joq adamdarǵa túrli qoldaý sharalary kórsetiletin bolady. Bul jobalarmen 140 myńnan astam adamdy qamtý josparlanyp otyr.
Zeınetkerlik jas aldyndaǵy adamdar úshin «Kúmis jas» jobasy iske asyrylatyn bolady, onyń sheńberinde 20 myń adam qoldaý alady.
Jalpy, 2021-2025 jyldar ishinde jumys oryndaryn sýbsıdıalaý sharalarymen 637 myńnan astam adam qamtylatyn bolady, ýaqytsha jumyspen qamtylǵannan keıin turaqty jumys oryndaryna jumysqa ornalasý deńgeıi 70% - ǵa jetedi, sýbsıdıalanatyn jumys oryndaryn uıymdastyrýǵa qatysatyn jeke sektor kásiporyndarynyń úlesi 50%-dan 70%-ǵa deıin ósedi.
«Elektrondyq eńbek bırjasynda túıindeme ornalastyrý nemese bos jumys oryndaryn izdeý kezinde ótinim berýge jáne kýrstan ótýge bolady, izdenýshige tıisti ótinim berý jetkilikti bolady. Kýrs aıaqtalǵannan keıin jáne jumys berýshi talap etetin daǵdylardy ıgergennen keıin jumys izdeýshi daǵdylardy ıgerý týraly sertıfıkat alady jáne ashyq bos orynǵa shyǵady», – dep habarlady Rýslan Tileýbaev.
5 jyl ishinde qysqa merzimdi kásiptik oqytýmen 205 myń azamat qamtylatyn bolady, al 2025 jylǵa qaraı oqýdan keıin jumysqa ornalastyrý deńgeıi 52-den 80%-ǵa deıin ulǵaıady.
Ulttyq jobany iske asyrý barysynda barlyǵy 100 myńnan astam jańa jumys orny qurylady. 3,5 mln. adam jumyspen qamtýǵa járdemdesýdiń belsendi sharalarymen qamtylyp, 1,7 mln adam turaqty jumys oryndaryna jumysqa ornalasyp, tabysy eń tómengi kúnkóris deńgeıinen 6,5%-ǵa tómen aýyl halqynyń úlesi azaıady. Jumyssyzdyq deńgeıi 4,7%-ǵa deıin tómendeıdi, al halyqtyń naqty aqshalaı kiristeriniń ósýi 27,1% deńgeıine shyǵady.