İİM avtokólik dóńgelekterin aýystyrýdy keıinge qaldyrmaýǵa keńes beredi, dep habarlaıdy Almaty-akshamy.kz Polisia.kz silteme jasap.
Qysqy kezeńde joldardaǵy kólik qozǵalysy erekshe nazar aýdarýdy talap etedi. Óıtkeni qysqy ýaqyttyń óz erejeleri men talaptary bar. Zańnamaǵa sáıkes qysqy kezeńde (jeltoqsan, qańtar, aqpan) qysqy dóńgelektermen jabdyqtalmaǵan kólik quraldaryn paıdalanýǵa tyıym salynady.
Sebebi qys mezgilinde avtokóliktegi jazǵy dóńgelekterdiń jolǵa ilinisý sapasy kúrt nasharlaıdy. Sonyń saldarynan jol tósemderiniń betki qabaty muzdanǵan kezde nemese qar túskende, dóńgelekterdiń syrǵyp ketý yqtımaldyǵy artady da jol-kólik oqıǵalaryna ákelip soqtyryp jatady. Sondyqtan dóńgelekterdi qysqy túrine aýystyrý jóninde talap qoıylady.
Polıseıler júrgizýshilerge qolaısyz aýa raıynda, qar jaýǵan kezde, qaýipti jaǵdaılar týyndaǵanda, jol-kólik oqıǵasynyń aldyn alý úshin jyldamdyqty barynsha tómendetý qajettigin eskertedi.Júrgizýshiler aldymen qaýipsizdikke kóz jetkizip almaı, bir qatardan ekinshi qatarǵa kilt sap túzep nemese basqa da manevrler jasamaýy kerek. Kólik quraldary arasyndaǵy qashyqtyq pen búıirlik aralyqty saqtaý qajettiligi týraly umytpaýy shart. Qysqy dóńgelekter kólik quralynyń barlyq dóńgelekterine ornatylady. Bul dóńgelekter qysqy jaǵdaıda kólik júrgizý qaýipsizdigin qamtamasyz etedi.
Jol qozǵalysyna qatysýshylardyń qaýipsizdigi úshin İİM aýa raıyn eskere otyryp, kóliktegi qozǵalys baǵytyn aldyn ala josparlaýǵa shaqyrady.