Amanat partıasynyń Almaty qalalyq fılıalynda 2021-2025 jyldarǵa arnalǵan kásipkerlikti damytý jónindegi ulttyq joba aıasynda Ashyq esik kúni ótip jatyr.
Amanat partıasy Almaty qalalyq fılıalynyń atqarýshy hatshysynyń orynbasary Elmıra Omarovanyń aıtýynsha, is-shara halyqty respýblıkalyq jáne óńirlik baǵdarlamalarmen tanystyrý maqsatynda uıymdastyryldy, dep habarlaıdy Almaty-akshamy.kz
Amanat partıasynyń "Halyqqa kómek" partıalyq jobasy aıasynda, sonymen qatar kúni keshe partıa tóraǵasy Erlan Jaqanuly aıtyp ótken bastamaǵa sáıkes, turǵyndarǵa qarjylyq jáne quqyqtyq máseleler boıynsha keńester beriledi. Memleketten kásipkerlikti qoldaý maqsatynda bólinetin qarjylyq qoldaýlar, onyń ishinde respýblıkalyq jáne óńirlik baǵdarlamar boıynsha júrgizilip jatqan is-sharalarmen halyqty tanystyrý, jan-jaqty túsindirý baǵytynda uıymdastyrylyp otyr. Sharada Almaty qalasy kásipkerlik jáne ınvestısıalar, áleýmettik baǵdarlamalar jáne jumyspen qamtý basqarmalary, «Damý», «Qoldaý», «Atameken», «Almaty Fınans», «Áleýmettik kásipkerlik korporasıasy» jáne ózge ókilder halyqpen kezdesýde», – dedi E.Omarova.
Al Ashyq esik kúnine kelgen Nurtaı Nurmahambetov óz suraǵyna jaýap taba alǵanyn aıtady.
«Men jeke kásipkermin, Almaty mańyndaǵy Kemertoǵan aýylynda shaǵyn sharýashylyǵym bar. Maǵan telefon arqyly osy jerde Ashyq esik kúni ótip, kásipkerlik keńes alýǵa bolady degen habarlama keldi. Búgin kelip, óz suraǵymdy qoıdym. Mıkroqarjylyq uıymdar bar eken, olar 6 mıllıonǵa deıin 12%-dyq kepilsiz qaryz beredi eken. Meniń sharýashylyǵymdy keńeıtý úshin bul tamasha múmkindik», – dedi ol.
Almaty qalasy kásipkerlik jáne ınvestısıalar basqarmasynyń ókili Ádil Jankınniń aıtýynsha, kásipkerlik granttardy jeńip alýdyń basty talaby – jobanyń ınovasıalyq bolýy. Sondaı-aq, ol Almatyda kásipkerlerdi qoldaýǵa arnalǵan bes birdeı baǵdarlama bar ekenin aıtty.
«Bizdiń maqsatymyz – kásipkerlerge memlekettik jáne Almatyda kásipkerlikti damytý boıynsha óńirlik baǵdarlamalardy túsindirý. Megapolıste bes baǵdarlama bar. Onyń 3-eýi memlekettik jáne 2-eýi - qalalyq «Almaty Business-2025» jáne «Jańa bıznes» baǵdarlamalary. Jalpy, 2022 jyly ártúrli ulttyq baǵdarlamalarǵa 48,1 mlrd. teńge aqsha bólindi. 3000-ǵa jýyq joba qarjylandyryldy», – dedi Almaty qalasy kásipkerlik jáne ınvestısıalar basqarmasy Jeke kásipti damytý boıynsha bólim basshysy Ádil Jankın.