19 qańtarda Almatyda dástúrge saı, «Kreshenıe» merekesi ótedi. Bul kúnniń basty salty – muzdy sýǵa túsý. Shuńqyrdaǵy sýǵa qalaı durys jáne eń bastysy qaýipsiz súńgý kerektigi týraly Óńirlik komýnıkasıalar qyzmetinde ótken brıfıńte aıtyldy. Spıkerler sýǵa túsýge resmı túrde ruqsat etilgen oryndardy da atady, dep habarlaıdy Almaty-akshamy.kz.
Almaty qalasy Tótenshe jaǵdaılar departamenti Azamattyq qorǵanys basqarmasy basshysynyń orynbasary Ánýar Iýsýpov belgilenbegen jerlerde sýǵa túsýge, jaryqtar men oıyqtar bolsa, muzǵa shyǵýǵa qatań tyıym salynǵanyn eske saldy. Rásimge deıin alkogóldi ishýge tyıym salynady. Sondaı-aq, sozylmaly aýrýlary bar nemese sýyq sýǵa túsýge qarsy kórsetilimderi bar adamdar úshin oıyqqa túsýge bolmaıdy. Sonymen qatar, árıne, shomylý oryndarynda tártipti saqtaý qajet.
«Almaty qalasynyń TJD jergilikti atqarýshy organdarmen jáne Almaty eparhıasymen birlese otyryp, meıram qarsańynda 9 shomylý ornyn belgiledi, onda kýpelder jabdyqtalyp, ornatylady. Tótenshe jaǵdaılardy boldyrmaý úshin osy maqsattarǵa arnalmaǵan oryndarda óz betinshe sýǵa túsýdi uıymdastyrmaýǵa shaqyramyz. Ashyq jerde jabdyqtalǵan kýpel janynda úsh adamnan artyq bolmaýy kerek. Shomylý aldynda júgirip, deneni qyzdyryp, deneni jylytyp alý kerek. Dárigerler men qutqarýshylar turǵan jerde sýǵa túsý kerek», - dedi Á.Iýsýpov.
Qutqarýshylar shomylǵannan keıin deneni túkti súlgimen súrtý jáne jyly kıim kıip, jyly shaı ishý kerektigin usynady. Jyly sýda uzaq ýaqyt otyrǵanda , dene qurysyp, úsik shalý múmkin. Sýyq sýǵa birden súńgigende, júrek jetkiliksizdigi týyndaýy múmkin.
Sýǵa túsýge ruqsat etilgen barlyq 9 aýmaqta qutqarýshylardyń, polısıa qyzmetkerleriniń, respýblıkalyq jedel-qutqarý jasaǵynyń, Apattar medısınasy jáne qala medısına qyzmetkerleriniń ortalyǵy táýlik boıy kezekshiligi uıymdastyrylady.
Barlyq basqa sý qoımalary, taý ózenderi shomylýǵa tyıym salynady. Taýly ózenderge jaqyndaý óte taıǵaq ekenin este ustaǵan jón. Al ózenderdiń aǵysy óte kúshti, tepe-teńdiginen aıyrylǵan nemese esinen tanǵan adamdy alyp ketýi múmkin.
Brıfıńke, sonymen qatar, Protoıereı, Qazaqstan pravoslavıe shirkeýiniń qoǵammen baılanys bóliminiń basshysy Aleksandr Sývorov qatysyp, sýǵa túsýge ruqsat etilgen oryndardy atady:
1. «Almaty qalasy, Prıhod Kresovozdvıjenskıı hramy», Almaty qalasy, Alataý aýdany, Qarasý yqsham aýdany, Vysokovoltnaıa kóshesi, 37 b úı.
2. «Almaty qalasynyń Prıhod hrama Hrısta Spasıtelá» jergilikti dinı uıymy, Almaty qalasy, Alataý aýdany, Raıymbek dańǵyly, 493 úı.
3. «Qazaqstannyń Pravoslav Shirkeýiniń Astana jáne Almaty Eparhıasynyń» aımaqtyq dinı fılıaly Sváto-nıkolskıı sobor, Almaty qalasy, Almaly aýdany, Baıtursynov kóshesi, 56/6 úı.
4. Almaty qalasy, «Bogoıavlenskıı prıhod» jergilikti dinı uıymy, Almaty qalasy, Áýezov aýdany, Sadovnıkov kóshesi, 196-úı.
5. «Prıhod Ýspenskogo hrama poselka Pervomaıskıı Astanaıskoı ı Almatınskoı Eparhıı» jergilikti dinı uıymy, Almaty qalasy, Jetisý aýdany, Sentralnaıa kóshesi, 86-úı.
6. Almaty qalasy Astana jáne Almaty Eparhıasy «Prıhod hrama velıkomýchenısy Paraskevy» jergilikti pravoslavtyq dinı uıymy, Almaty qalasy, Jetisý aýdany, Jansúgirov kóshesi, 500 v úı.
7. Astana jáne Almaty Eparhıasynyń «Iversko-Serafımovskıı jenskıı monastyr» jergilikti dinı uıymy, Almaty qalasy, Medeý aýdany, Hamıdı kóshesi, 30-úı.
8. Almaty qalasy Astana jáne Almaty Eparhıasy «Prıhod Blagoveshenskogo hrama» jergilikti dánı uıymy, Almaty qalasy, Medeý aýdany, "Alataý" yqshamaýdany, Ibragımov kóshesi, 13-úı.
9. «Pokrovsko-Vsehsvátskıı prıhod» jergilikti dinı uıymy, Almaty qalasy, Túrksib aýdany, Jas pıonerler kóshesi, 85-úı.
Barlyq arnaıy bólingen shomylý oryndarynda shatyrlar men kıim aýystyratyn bólmeler (erler men áıelder) ornatyldy. Arnaıy qyzmettermen birge din qyzmetkerleri de úzdiksiz jumys isteıtin bolady.
«Sýǵa shomylý kúnálardan tazartpaıdy, óıtkeni bul - ejelgi taqýalyq dástúr. Ony árkim árqalaı qabyldaıdy jáne odan árkim ózi alǵysy kelgen jemisin kóredi», - dep atap ótti Aleksandr Sývorov.