Jumys sapary barysynda qala ákimi Darhan Satybaldy Túrksib aýdanyndaǵy «Altyn City» turǵyndarymen júzdesti.
Kezdesýde turǵyndar ınjenerlik ınfraqurylymǵa qatysty máselelerdi kóterdi. Atap aıtqanda, jaryqpen qamtý, qazandyqtardyń jumysy jáne ınjenerlik jelilerdiń jaǵdaıy sóz boldy.
Qurylys kompanıasy salǵan elektr jelileri áli qala balansyna ótkizilmegen. Sonymen birge turǵyn úı keshenin «Tuzdybastaý» qosalqy stansasyna qosatyn rezervtik kabel tartylmaǵan.
Aýmaǵynda eki qazandyq bar, ekeýi de qurylys kompanıasynyń ıeliginde. Sonyń biri 15 úıge eseptelgen, qazir apatty jaǵdaıda. Darhan Satybaldy qurylys kompanıasyna ony jylytý maýsymyna deıin jóndeýdi jáne búkil aýmaqty qamtıtyn jańa qazandyq salýdy tapsyrdy.
Dál osyndaı jaǵdaı aýyzsý, káriz jáne gaz jelilerinde de bar – olar da qala balansyna ótpegen. Ákim qurylys kompanıasyna, Qurylys basqarmasyna jáne aýdan ákimdigine bul máselelerdi qyrkúıek aıynyń sońyna deıin sheshýdi júktedi.
Jyl sońyna deıin munda 1500 oryndyq mektep ashylady. Sondaı-aq qurylys kompanıasy balabaqsha salýdy josparlap otyr.