Dáýlet Erǵojın ustaldy.
Ulttyq qaýipsizdik komıteti tóraǵasynyń burynǵy orynbasary Dáýlet Erǵojın ustaldy, dep habarlady Almaty-akshamy.kz Inbusiness.kz silteme jasap.
«Q.Másimovke, A. Sadyqulovqa jáne D. Erǵojınge qatysty qamaýǵa alý túrindegi bultartpaý sharasy tańdaldy. Qylmystyq iske «óte qupıa» degen belgi berildi», - dep habarlaıdy UQK-nen.
Qylmystyq-prosessýaldyq kodekstiń 201-babyna sáıkes, sotqa deıingi tergeý derekteri jarıalanbaıdy.
Buǵan deıin Ulttyq qaýipsizdik komıtetiniń burynǵy basshysy Kárim Másimov pen onyń orynbasary Ánýar Sadyqulov qamaýǵa alynǵany habarlanǵan.
Másimov 6 qańtarda memleketke «opasyzdyq jasady» degen kúdikke ilingen. 13 qańtarda onyń eki orynbasary - Sadyqulov pen Erǵojınniń ustalǵany belgili boldy. Olar «bıikti kúshpen basyp almaq boldy», «bılikti jáne qyzmettik ókilettikti asyra paıdalandy» degen kúdikke ilingen.
Memleket Basshysy Qasym-Jomart Toqaev 11 qańtarda Parlament Májilisinde sóılegen sózinde eldegi jappaı tártipsizdikter men terrorısterdiń agresıalyq aktileri kezinde arnaıy qyzmettiń jumysyn synǵa aldy. Prezıdenttiń aqparaty boıynsha, elimizdiń keıbir óńirlerinde UQK departamentteriniń basshylary áskerı arsenal jetkilikti bola tura urysqa kirmeı, qyzmettik ǵımarattardan shyǵyp, onda qarý-jaraq pen qupıa qujattamany qaldyryp ketken.