Eldegi kóshi-qon prosesterin retteý boıynsha 20-dan astam qyzmet Eńbek jáne halyqty áleýmettik qorǵaý mınıstrligine berildi. Bul týraly İshki ister mınıstrliginiń Kóshi-qon qyzmeti komıteti tóraǵasynyń orynbasary Sabyrjan Seıitjanov málimdedi, dep habarlaıdy Almaty-akshamy.kz
Onyń sózine súıensek, tapsyrylǵan mindetterdiń ishinde «halyqtyń kóshi qon salasynda vedomstvoaralyq úılestirý», «kóshi-qon prosesteriniń monıtorıńi», «bosqyndarmen jumys», «pana izdeýshige kýálik berý», «bosqyn mártebesin taǵaıyndaý, ony uzartý nemese toqtatý» fýnksıalary da bar. Al sheteldikterge jumys isteý ruqsatyn jergilikti atqarýshy organdar usynady.
Usyný tártibin Eńbek jáne halyqty áleýmettik qorǵaý mınıstrligi aıqyndaıdy. Degenmen bosqyndar men eńbek mıgranttarynyń el aýmaǵyna kirý jáne qalý erejesi İshki ister mınıstrliginiń baqylaýynda bolmaq.
– Eńbek jáne halyqty áleýmettik qorǵaý mınıstrliginiń bosqyndarmen jumysy negizinen bularǵa áleýmettik kómek kórsetýge, medısınalyq qyzmet kórsetýge jáne bilim berýge baǵyttalatyn bolady. Bosqyndarmen jumys isteý kezinde BUU bosqyndar isi jónindegi Joǵarǵy komısar basqarmasy, halyqaralyq kóshi-qon uıymy sıaqty buqaralyq qurylymdarmen, úkimettik emes uıymdarmen ózara tyǵyz is-qımyl júrgiziledi, - deıdi QR İİM Kóshi-qon qyzmeti komıteti tóraǵasynyń orynbasary Sabyrjan Seıitjanov.