Alqabıler sotyna jatpaıtyn isterdiń sanaty bar.
Ulttyq qaýipsizdik komıtetiniń burynǵy tóraǵasy Kárim Másimov alqabıler sotyna júgine almaıdy. Bul týraly QR Joǵarǵy sotynyń qylmystyq ister jónindegi sot alqasynyń tóraǵasy Ábdirashıd Júkenov aıtty, dep habarlaıdy Almaty-akshamy.kz QazAqparatqa silteme jasap.
Búgin Parlament Májilisinde tilshiler Á.Júkenovten Ulttyq qaýipsizdik komıtetiniń burynǵy tóraǵasynyń alqabıler sotyna júginý múmkindigi týraly surady.
«Oǵan qatysty qozǵalyp jatqan ister boıynsha alqabıler sotyna júgine almaıdy. Atap aıtqanda, alqabıler sotyna jatpaıtyn isterdiń sanaty bar. Bul baǵyttaǵy qadamdar zańmen rettelýi kerek. Biz zań aıasynda jumys isteımiz. Zań ózgerse, negiz bolady. Qazir bul ister qupıa qaralady jáne qupıa túrde saqtalady. Meniń oıymsha, is boıynsha tıisti aqparat jarıalanady. Kez kelgen memlekette ulttyq qaýipsizdikti qorǵaý bar jáne memleket keıbir aqparatty qupıa saqtaýǵa quqyly», - dep túıindedi Ábdirashıd Júkenov.