Bul júrektiń yrǵaǵy men ótkizgishtiginiń buzylýyn emdeýde jańa dáýirdi bildiretin kardıostımýlásıa tehnologıasynyń damýyndaǵy marker
Kardıologıa jáne ishki aýrýlar ǴZI-da 76 jastaǵy pasıentke alǵash ret Micra elektrodsyz kardıostımýlátory ımplanttaldy, dep habarlaıdy almaty-akshamy.kz.
"Buǵan deıin pasıentke 2016 jyly qarapaıym elektrokardıostımýlátor qoıylǵan, biraq onyń qabyldanbaýy birneshe jyldan keıin bolǵan. Bizdiń arıtmologtar elektrodsyz kardıostımýlátordy alǵashqy ımplanttaýdy A. Syzǵanov atyndaǵy UǴHO rentgenhırýrgıa, ıntervensıalyq kardıologıa jáne arıtmologıa bólimshesiniń meńgerýshisi Ádil Baıymbetovtyń basshylyǵymen júrgizdi. Kelesi operasıalardy óz betinshe júrgizetin bolamyz", - dep bólisti basqarma basshysy Marat Pashımov.
Klınıkanyń arıtmologıalyq qyzmetiniń aǵa rezıdenti Artýr Ábdimomynovtyń aıtýynsha, Micra - bul belgili bir sebeptermen kádimgi kardıostımýlátordy ornatý múmkin emes ótkizgishtik buzylystary bar pasıentter úshin jańa múmkindikter ashqan revolúsıalyq qurylǵy. Micra kardıostımýlátory dástúrli modelderde jıi qoldanylatyn symdardy qajet etpeıdi. Ol az ınvazıvti em sharalar arqyly tikeleı júrekke ımplanttalady, bul ony pasıent úshin qaýipsiz jáne yńǵaıly etedi.
"Micra shaǵyn ólshemdi, bul ony tikeleı júrek qýysyna ornalastyrýǵa múmkindik beredi. Jetildirilgen tehnologıalar men bıosensorlardyń kómegimen qurylǵy qajetti elektrlik ımpúlstardy qamtamasyz ete otyryp, júrektiń jumysyn yntalandyrady. Micra-nyń basty artyqshylyqtarynyń biri - onyń uzaq qyzmet etý merzimi. Batareıanyń jańa býyny qurylǵynyń 12 jylǵa deıin jumys isteýine múmkindik beredi. Sondaı-aq, Micra elektrodtardy ótkizýmen baılanysty asqynýlardyń qaýpin aıtarlyqtaı tómendetetinin jáne olardyń zaqymdaný nemese ınfeksıa múmkindigin boldyrmaıtynyn atap ótken jón", - dep atap ótti júrek yrǵaǵy men ótkizgishtiginiń buzylýy bólimshesiniń meńgerýshisi Baǵdat Ahyt.
Kardıologıa jáne ishki aýrýlar ǴZI ýaqytpen qatar júretin jáne ınstıtýt pasıentteriniń densaýlyq jaǵdaıyn jáne olardyń ómir súrý sapasyn edáýir jaqsartýǵa múmkindik beretin ozyq emdeý ádisterin qoldanatyn jetekshi klınıka retindegi bedelin taǵy da rastaıtyny qýantady.
Apparatty ımplantattaý boıynsha qymbat operasıa pasıentke MÁMS qarajaty esebinen tolyǵymen tegin júrgizildi.