Naǵyz batyr!
Qazaq sportynyń arǵy-bergi tarıhynda karateden jetistikke jetken birden-bir azamat Darhan Asadilov dep aıtsaq qatelespeımiz.
Tokıo Olımpıadasynda tuńǵysh ret karateden qola júldeger atandy. Sóıtip, qazaqtyń abroıyn kókke kóterdi. Buǵan deıin olımpıadalyq oıynda mundaı jetistikti baıqamadyq. Baıraqty básekede el namysyn asqaqtatqan naǵyz er dep bilemiz. Álem jurtshylyǵy aldynda ultymyzdyń qaısar uly ekendigin moıyndatty.
Darhan buǵan deıin talaı jarystarda top jaryp júrdi. Degenmen, bul jolǵy jeńistiń jóni bólek. Qazaqtyń karate ónerinde – ózindik dara jolyn saldy. Sondaı-aq, sport tarıhynda aty altyn árippen qaldy. Osyndaı qarakózderimiz otanynyń baǵy jolynda, baryn salyp, jan aıamaı básekege túsip jatqanda, eldegi jankúıerler taqym qysty. Úıde otyryp, kók jáshikten tamashalasa da, úmiti men armandary jeńis tuǵyrynan óz uldaryn kórý bolatyn. Sol úmitti birqatar sportshylar aqtady. Bizderge synaý men mineý ońaı. Desede, olar kúni-túni daıyndalyp, el ishilik jarystardan ótedi. Odan soń, Azıa men álem birinshilikterine qatynasady. Osylaısha, jeńiske degen qadamdaryn jalǵaıdy. Arasynan baǵy men baby qatar shapqandary top jarady. Atalǵan mysaldardy arnaıy aıtýdamyz. Otandasymyz da osy keltirilgen satylardan ótip, óz-ózin dáleldedi.
Darhan baýyrymyzǵa jeńisi úshin – myń raqmet!