Bul týraly búgin ótken «Aǵymdaǵy epıdemıologıalyq jaǵdaı jáne COVID-19-dyń taralýyn aldyn alý týraly» atty onlaın baspasóz-konferensıasynda Almaty qalasy qoǵamdyq densaýlyq Basqarmasynyń basshysy Narıman Tabynbaev málimdedi.
Qaladaǵy epıdahýalǵa tolyq toqtalyp, jaǵdaıdy túsindirgen basqarma basshysy Qytaıdyń Sinopharm kompanıasynyń Vero Cell vaksınasy týraly da maǵlumat berdi, dep habarlaıdy Almaty-akshamy.kz tilshisi.
«DDSU bul vaksınany maquldaǵan, onyń tıimdiligin 72 % dep baǵalaǵan. Bul da Qytaıdyń Sinopharm kompanıasynyń ónimi. Janama áseri de, ekpeden keıingi jaǵdaı da dál basqa vaksınalarǵa uqsas. Keı jaǵdaılarda júrek aıný, qusý, álsizdik, uıqy basý sıaqty áserleri baıqalady», dedi Narıman Tabynbaev.
Vero Cell vaksınasyn 18 jasqa tolǵan adamdarǵa salý usynylǵan. Vero Cell vaksınasynyń bir dozasy – 0,5 mıllılıtr. Vaksınanyń eki dozasyn saldyrý usynylady. Ekeýiniń arasy 3-4 apta nemese 21-28 kún bolýy qajet.
«Qaladaǵy ekpe alý pýnktterinde osy vaksınaǵa turǵyndar suranysy artyp otyr. Búginshe bizdiń qolymyzdaǵy málimet boıynsha, 27 adam dál osy ekpeni aldy», -dedi basqarma basshysy.