Qazaqstan Respýblıkasynyń Densaýlyq saqtaý mınıstrligi 15 qyrkúıekten bastap elde jalpyǵa birdeı maska taǵý rejımi men karantın engiziletini týraly ınternette taraǵan aqparatqa túsinikteme berdi, dep habarlaıdy aqshamnews.kz
Vedomstvonyń málimdemesine sáıkes, bul qaýesetter shyndyqqa sáıkes kelmeıdi.
«Qazaqstan Respýblıkasynyń Bas memlekettik sanıtarlyq dárigeriniń mindetin atqarýshynyń qaýlysyna sáıkes, epıdemıalyq maýsym kezeńinde profılaktıkalyq jáne epıdemıaǵa qarsy is-sharalardy júrgizý kózdelgen. 2024 jyldyń 15 qyrkúıeginen bastap tumaýǵa qarsy vaksınasıa bastalady. Maska rejımi tek medısınalyq uıymdardyń qyzmetkerleri úshin engiziledi,» — dep atap ótti mınıstrlik.
Mınıstrlik koronavırýs jaǵdaıy elde tolyq baqylaýda ekenin málimdedi.
Sonymen qatar, mınıstrlik maska rejımi týraly jalǵan aqparat taratýshylarǵa qatysty quqyq qorǵaý organdaryna júgingenin habarlady. Tamyz aıynyń ortasynda maska rejımin engizý josparlanbaǵany týraly habarlanǵan bolatyn.