Almaty polısıasy kámeletke tolmaǵandardy saýdaǵa salý faktisin toqtatty, dep habarlaıdy aqshamnews.kz.
QR İİM baspasóz qyzmetiniń málimetinshe, Almaty oblysynda uıymdasqan qylmysqa qarsy kúres basqarmasynyń qyzmetkerleri kámeletke tolmaǵandardyń zańsyz saýdasyna kúdikti qylmystyq toptyń qyzmetin sátti toqtatty.
5 tamyzda áleýmettik jelidegi «surak.baribar» paraqshasynda kámeletke tolmaǵandar men jańa týǵan sábılerdi zańdy túrde asyrap alýǵa kómektesemiz degen qylmystyq toptyń áreketi týraly jedel aqparat tústi. 28 tamyzda jedel-izdestirý is-sharalary barysynda Qyzylorda oblysynyń týmasy 38 jastaǵy kúdikti anyqtaldy. Kámeletke tolmaǵandardy satý deregi boıynsha qylmystyq is qozǵaldy, – dep atap ótti Almaty oblysy PD bastyǵy Baýyrjan Álenov.
Kúdikti qamaýǵa alynǵan. Qazirgi ýaqytta barlyq qajetti tergeý sharalary júrgizilýde.