AQSH prezıdenttigine úmitkerler saılaýǵa bir apta qalǵanda mańyzdy málimdemeler jasady, dep habarlaıdy aqshamnews.kz
«Bir aptadan keıin sizde óz ómirińizge, otbasyńyzdyń ómirine jáne biz súıetin eldiń bolashaǵyna tikeleı áser etetin sheshim qabyldaý múmkindigi bolady», — dedi AQSH vıse-prezıdenti jáne prezıdenttikke úmitker Kamala Harrıs.
Harrıstiń aıtýynsha, aldaǵy saılaý «eki partıa men eki úmitker arasyndaǵy tańdaý ǵana emes».
«Bul saılaý bizdiń elimizdiń árbir azamaty úshin erkindikke negizdelgen el bola ma, álde haos pen alaýyzdyq bılik ete me degen sheshim. Ýaqyt jańa býyn amerıkandyq kóshbasshylardyń kelýin talap etedi», — dep qosty Harrıs.
Harrıstiń shtabynyń baǵalaýy boıynsha, mıtıńige 75 myńnan astam adam jınaldy.
Al Donald Tramp ótken jeksenbide aýqymdy mıtıń ótkizdi, ol Manhettenniń júregindegi áıgili Medıson-skver-garden arenasynda sóıledi. Ony qoldaýǵa mıllıarder Ilon Mask jáne basqa tanymal tulǵalar keldi.
«Eger men saılaýda jeńiske jetsem, biz álem tarıhyndaǵy eń qýatty ekonomıkany tez arada quramyz. Meniń ótken merzimimde dál osyndaı ekonomıka boldy. Biz ınflásıany jyldam jeńip, Amerıkany eń qýatty elge aınaldyramyz», — dedi Tramp Medıson-skver-gardendegi sózinde.
Aıta keteıik, Fıladelfıa Ilon Maskke qarsy sotqa shaǵym túsirdi. Respýblıkalyq partıa kún saıyn mıllıon dollardan taratqan shtattardaǵy bul áreketter prokýratýra tarapynan «zańsyz lotereıalyq sqema» dep ataldy. Fıladelfıa prokýrory bul isti shtattyń zańnamasyna sáıkes qozǵady.