Kardıologıa jáne ishki aýrýlar ǵylymı-zertteý ınstıtýty 3 jyldan keıin Ulttyq akredıtteýdiń joǵary sanatyn taǵy da rastaı otyryp, qyzmetin qaıta baǵalaýdan ótti.
S.Qaıyrbekova atyndaǵy Ulttyq densaýlyq saqtaýdy damytý ǵylymı ortalyǵynyń saraptamalyq toby 2024 jylǵy 7-9 qazan aralyǵynda Instıtýtta syrtqy keshendi baǵalaý júrgizdi.
«Osy jyldyń shilde aıynda ınstıtýt halyqaralyq standarttarǵa sáıkestigin rastady jáne JCI qaıta akredıtteý rásiminen ótti. Al qazan aıynda Ulttyq akredıtteý bizdiń klınıkanyń halyqqa tıimdi jáne qaýipsiz medısınalyq qyzmet kórsetýdiń joǵary deńgeıin rastady. Alǵash ret ulttyq akredıtteýdiń joǵary sanaty ınstıtýtqa 2021 jyly berildi. Sapa krıterııleri men ulttyq standarttarǵa sáıkestigi, qyzmetkerlerdiń joǵary kásibıligi bizge joǵary sanatty taǵy da rastaýǵa múmkindik berdi», - deıdi Kardıologıa jáne ishki aýrýlar ǴZI Basqarma tóraǵasy Marat Pashımov.
Ulttyq standarttar boıynsha: strategıalyq jáne keshendi josparlaý, pasıentterdi emdeý jáne kútý, pasıentterdiń, ǵımarattyń qaýipsizdigi, ınfeksıalyq baqylaý, pasıentterdiń quqyqtary men etıkalyq normalardy saqtaý, sapany, táýekelderdi, qarjyny, adamı resýrstardy, dárilik zattar men medısınalyq buıymdardy basqarý, eńbekti qorǵaý, jumys ornyndaǵy qaýipsizdik jáne t. b. baǵalandy.
Klınıkanyń birinshi basshysy atap ótkendeı: «Dárigerler, meıirgerler jáne ákimshilik – biz bir komandamyz jáne halyqqa jaqsy kómek kórsetý, ony qaýipsiz jáne tıimdi etý úshin birlesip jumys isteımiz».
Akredıtteýden ótý densaýlyq saqtaý júıesindegi ulttyq sapa standarttaryn saqtaı otyryp, sapaly, ýaqytyly jáne qoljetimdi medısınalyq kómek kórsetýge degen umtylysymyz ben qabiletimizdi rastady.