Brıtanıalyq rejıser Djonatan Edvards «Qazaqstan» teleradıokorporasıasynyń shaqyrýymen Astanada ótip jatqan V Dúnıejúzilik kóshpendiler oıynyna keldi, dep habarlaıdy aqshamnews.kz.
Álemdik deńgeıdegi at jarystary men sporttyq sharalardyń rejıseri 13 qyrkúıek kúni «Qazsport» telearnasynan tikeleı efırde kórsetiletin báıgeniń translásıasyna rejıserlik etedi. Búgin «Qazaqstan» teleradıokorporasıasynyń túsirlim tobymen birge «Qazanat» ıpodromynda bolyp, Korporasıanyń tehnıkalyq múmkindikterimen tanysty.
Djonatan Edvards – 20 jyldan astam tájirıbesi bar sport rejıseri. Regbı, badmınton, trıatlon, avto, motosport, gólf, hokeı jáne at sportynan halyqaralyq jarystarǵa, onyń ishinde qazaqstandyq sáıgúlik «Kabırhan» qatysqan Dýbaıdaǵy «Al Maktoum Challenge» týrnırine rejıserlik etken.
Kóshpendiler oıyndary aıasyndaǵy at jarysy 13 qyrkúıek kúni Astana ýaqytymen saǵat 9:00-den bastap kórsetiledi. Tikeleı efır translásıasy arnanyń You Tube, Facebook, Tik-Tok jelisindegi paraqshalary arqyly taratylady.