Almaty qalasy komýnaldyq ınfraqurylymdy damytý basqarmasy 2024 jylǵy 29 shildeden 7 tamyzǵa deıin bolǵan «Almaty jastary» baǵdarlamasy aıasynda ótinimderdi qabyldaýdy aıaqtady. Osy jyly www.almaty-zhastary2024.kz platformasynda 7072 ótinim berildi, bul jastardyń baǵdarlamaǵa degen qyzyǵýshylyǵynyń joǵary ekendigin kórsetedi.
Baǵdarlama aıasynda turǵyn úı satyp alýǵa keminde 1200 zaem berý josparlanǵan.
Kelip túsken ótinimderdi salalar boıynsha bólý kelesideı:
- Densaýlyq saqtaý – 1662
- Bilim berý – 2434
- Mádenıet – 430
- Sport – 129
- JOO men ǴZI – 717
- Jýrnalıser – 123
- Áleýmettik sala – 352
- Quqyq qorǵaý organdary – 538
- Komýnaldyq qyzmetter – 433
- Jumys isteıtin jastar – 254
Muqıat qarastyrýdan keıin 1924 ótinim oń qaralyp, maquldandy.
Maquldanǵan ótinimder kelesideı:
- Densaýlyq saqtaý – 456
- Bilim berý – 662
- Mádenıet – 165
- Sport – 42
- JOO men ǴZI – 196
- Jýrnalıser – 57
- Áleýmettik sala – 40
- Quqyq qorǵaý organdary – 170
- Komýnaldyq qyzmetter – 105
- Jumys isteıtin jastar – 31
1200 ótinim berýshi «Otbasy bank» AQ-nan tólem qabilettiliginen ótý úshin joldama alady. Joldamany alǵan qatysýshylar 15 (on bes) jumys kúni ishinde tólem qabilettigin baǵalaýdan ótý úshin «Otbasy bank» AQ-nyń kez kelgen qyzmet kórsetý ortalyǵyna júginý qajet. Tólem qabilettiligin rastaǵan qatysýshylar 45 (qyryq bes) kúntizbelik kúni ishindealǵashqy jáne ekinshi naryqta turǵyn úı tańdaı alady.
724 qatysýshy negizgi tizim boıynsha tólem qabilettiligin rastaý aıaqtalǵansha rezervtik tizimde bolady. 5148 qatysýshynyń qujaty qaıtaryldy. Qaıtarylýdyń negizgi sebepteri jumys ornynyń baǵdarlama talaptaryna sáıkes kelmeýi, turǵyn úıge qajetti anyqtamalardyń bolmaýy, ótinish bergen sátte turǵyn úıdiń bolýy, sońǵy 6 aıdaǵy zeınetaqy jınaqtarynyń bolmaýy jáne t.b.
«Almaty jastary» baǵdarlamasynyń qorytyndysy týraly basqa da tolyq aqparattar www.almaty-zhastary2024.kz saıtynda qoljetimdi bolady.