Jambyl oblysynda baqsy kelgen Turar Rysqulov aýdanyndaǵy Tereńózek aýylynda tekseris júrgizildi.
Tekserýdi Jambyl oblysynyń bala quqyqtaryn qorǵaý jónindegi ýákili, Jambyl oblysynyń bilim berý salasyndaǵy sapany qamtamasyz etý departamentiniń qyzmetkerleri júrgizdi, dep habarlaıdy aqshamnews.kz
Oqıǵa ornynda bilim berý, aqparat jáne qoǵamdyq damý basqarmalarynyń qyzmetkerleri jumys istedi.
Tekserý nátıjesinde Turar Rysqulov aýdany ákiminiń orynbasary A. Terlikbaev, Jambyl atyndaǵy mektep dırektory E. Zakımbaeva óz erkimen qyzmetinen ketti.
Turar Rysulov aýdanynyń ishkı saıasat bóliminiń basshysyna jáne Tereńózek aýylynyń ákimine qatań sógis túrinde tártiptik jaza qoldanyldy.
Eske salaıyq, buǵan deıin Jambyl oblysynda mektepke baqsyny shaqyrýǵa muǵalimderden aqsha jınalǵanyn jazǵan edik.
Áleýmettik jelidegi aqparat boıynsha baqsynyń 4 metrlik shleıfi bar kóılegin oqýshylar súırep júrgen. Eń qyzyǵy, ol mektepke kómektesemin degen oımen mektepke jyrtylǵan kıim, synǵan oıynshyqtar men iske jaramaıtyn kompúter bergen kórinedi.
Baqsy ishimdik pen esirtkige táýeldilikten emdeıdi-mys. "Tomırıs" mektepke "materıaldyq kómekten" bólek, 500 myń aýdaramyn dep ýáde bergen. Alaıda ol aqshany aýdarmaǵan. Al mektep muǵalimderinen 4 myń teńgeden jınaǵan.
Jelidegi aqparatqa sáıkes bul kezdesýdi aýdan ákimdigi uıymdastyrǵan kórinedi.
Kúni keshe oqý-aǵartý mınıstri Ǵanı Beısembaev bul jaıtqa qatysty pikir bildirdi.