Onyń 13-i quldyqtyń zamanaýı túrlerine qarsy is-qımylmen tikeleı baılanysty, dep habarlaıdy almaty-akshamy.kz.
Zańsyz kóshi-qon men adam saýdasyna qarsy kúres salasyndaǵy halyqaralyq yntymaqtastyqty nyǵaıtý Qazaqstannyń 2020 - 2030 jyldarǵa arnalǵan syrtqy saıasat tujyrymdamasyndaǵy basymdyqtardyń qatarynda kórsetilgen.
"Adam saýdasy problemalary álemniń barlyq elderine tán. İshki ister mınıstrliginiń derekteri boıynsha elimizde jyl saıyn adam saýdasyna baılanysty 150-ge jýyq qylmys tirkeledi. Uıymdasqan toptardyń, onyń ishinde adam saýdasynyń qurbandaryn jaldaýmen jáne qanaýmen aınalysatyn transulttyq toptardyń zańsyz áreketteriniń joly kesiledi", - dedi senator Qaırat Tastekeev.
Búgingi tańda Qazaqstan Respýblıkasy - 60-tan astam kópjaqty sharttardyń qatysýshysy, onyń 13-i quldyqtyń zamanaýı túrlerine qarsy is-qımylmen tikeleı baılanysty, olardyń qatarynda:
- Birikken Ulttar Uıymynyń adam saýdasyna jáne úshinshi tulǵalardyń jezókshelikti paıdalanýyna qarsy kúres týraly konvensıasy;
- Adamdardy, ásirese áıelder men balalardy satýdyń aldyn alý jáne jolyn kesý jáne ol úshin jazalaý týraly hattama.
- Halyqaralyq konvensıalardyń kóptegen erejeleri ulttyq zańnamaǵa engizilgen.
"Búgingi tańda adam saýdasynyń aldyn alý jáne onyń jolyn kesý, sondaı-aq jábirlenýshilerdiń quqyqtaryn qorǵaýdy, adam saýdasyna qarsy biryńǵaı is-qımyl júıesin aıqyndaıtyn, onymen kúresýdiń tıimdi tetikterin kózdeıtin derbes zańnyń jáne jaýapkershilikti kúsheıtetin ilespe zańdardyń qajettiligi týyndady", - dedi spıker.