2024 jylǵy 26 maýsymdaǵy jaǵdaı boıynsha «Kúmis jas» jobasy boıynsha 15,6 myń adam jumysqa ornalastyryldy. 2024 jyly osy baǵyt boıynsha barlyǵy 19 060 adamdy jumysqa ornalastyrý josparlanýda.
«Kúmis jas» jobasy boıynsha jumysqa ornalasqandardyń eń kóp sany kelesi oblystarda baıqalady: Túrkistan – 2,3 myń adam, Jambyl – 1,5 myń adam, Qaraǵandy – 1,1 myń adam, Almaty – 1,1 myń adam. Jobaǵa qatysýshylar arasynda áıelderdiń úlesi 54,8% nemese 8,6 myń adamdy, aýyl turǵyndarynyń úlesi – 9,3 myń adamdy nemese 59,8% quraıdy.
Bul jobaǵa 50 jastan asqan jumyssyz azamattar zeınetkerlik jasqa tolǵanǵa deıin qatysa alady. Jobaǵa qatysý úshin mansap ortalyǵyna ótinish berý qajet.
«Kúmis jas» jobasyna qatysý merzimi aıaqtalǵannan keıin jumys berýshi zeınetkerlik jasqa tolmaǵan adamdy keminde 1 jyl merzimge turaqty jumys ornyna, sondaı-aq zeınetaldy jastaǵy adamdy zeınetkerlikke shyqqanǵa deıin jumysqa ornalastyrýǵa mindetti.
Respýblıka boıynsha ortasha jalaqy mólsheri 136,2 myń teńgeni qurady, eń joǵary kórsetkishterdi Shyǵys Qazaqstan (200,3 myń teńge), Qyzylorda (180 myń teńge) oblystary men Astana qalasy (177,7 myń teńge) kórsetse, eń tómengi kórsetkish Batys Qazaqstan oblysy (100 myń teńge) men Almaty qalasyna (98,8 myń teńgeden) tıesili.
«Kúmis jas» jobasyn qarjylandyrýdy eńbek mobıldiligi ortalyǵy jumys berýshiniń joba aıasynda jumysqa ornalastyrylǵan jumyssyzdarǵa eńbekaqy tóleýge jumsaǵan shyǵyndarynyń bir bóligin óteýge sýbsıdıalar berý jolymen júzege asyrady. Sýbsıdıalar mólsheri: jumystyń birinshi jylynda jalaqy mólsheriniń 70%-yn (biraq 30 AEK-ten aspaıtyn), jumystyń ekinshi jylynda jalaqy mólsheriniń 65%-yn (biraq 30 AEK-ten aspaıtyn), jumystyń úshinshi jylynda jalaqy mólsheriniń 60%-yn (biraq 30 AEK-ten aspaıtyn) quraıdy.
Kóptegen qazaqstandyqtar joba týraly oń pikir bildirýde. Solardyń biri Roza Tanjıkova 57 jasynda óz mamandyǵy boıynsha jumysqa ornalasty.
Roza hanym: «Ótken jyly jumys izdep Óskemen qalasynyń Mansap ortalyǵyna júgindim. Ortalyq qyzmetkerleriniń kómegimen men jumyssyz adam retinde tirkelip, «Kúmis jas» jobasy boıynsha berilgen joldama arqyly «ER-DENT» JSHS áńgimelesýden óttim. Men qazir osy uıymda tis dárigeri bolyp jumys isteımin jáne óz jumysyma óte rızamyn», – dep bólisti.
Shyǵys Qazaqstan oblysynda 2024 jyly «Kúmis jas» jobasy boıynsha 869 adamdy jumysqa ornalastyrý josparda bar.