Jylyjaı sharýashylyqtarynyń maýsymaralyq kezeńde elektr energıasy men gaz shyǵyndary sýbsıdıalanatyn bolady.
Tıisti sheshimdi Aýyl sharýashylyq mınıstrligi bıznes tarapynan túsken usynystardy eskere otyryp qarastyryp jatyr, dep habarlaıdy Almaty-akshamy.kz vedomstvonyń baspasóz qyzmetine silteme jasap.
Búdjet qarajatyn tıimdi jumsaý, sondaı-aq barlyq agrotehnologıalardy saqtaıtyn jylyjaılardy qoldaý maqsatynda sýbsıdıa alýdyń negizgi talaby retinde óndiris tehnologıalaryna sáıkestik sertıfıkatynyń bolýy qarastyrylady. Ulttyq standart 2023 jyldyń 1 mamyrynda bekitilip, kúshine endi.
Qazirgi ýaqytta Aýyl sharýashylyq mınıstrligi ákimdikterdiń qaýlysymen bekitilgen sýbsıdıalar normalary boıynsha 1 ga. shyǵystardy óteýdi kózdeıtin sýbsıdıalaý qaǵıdalaryna tıisti ózgerister ázirledi. AÓK ekonomıkasy jáne aýyldyq aýmaqtardy damytý QazǴZI-da jabyq topyraqta kókónis óndirý shyǵyndarynyń ǵylymı esepteýleri júrgizildi, olar boıynsha ortasha kórsetkishter esepteletin bolady.
Osylaısha, óndiristik jylyjaılar ǵana emes, óndiris standarttaryna sáıkes keletin fermerlik keshender de osy baǵyt boıynsha sýbsıdıalaýǵa quqyly bolady.
Buıryqtyń jobasy kelisimge jiberildi, jaqyn arada ony bekitý josparlanyp otyr.
Aıta keteıik, atalǵan qoldaý sharalarynan bólek, qazaqstandyq jylyjaıshylar tyńaıtqyshtardy (organıkalyq zattardy qospaǵanda), pestısıdterdi, bıoagentterdi (entomofagtardy) jáne bıoagentti, sondaı-aq sýarmaly sýdy, qıar men qyzanaq tuqymyn satyp alýǵa sýbsıdıa alýǵa úmitker bola alady.
Sonymen qatar, jylyjaı keshenderin salý jáne keńeıtý kezinde shyǵyndardyń 25% óteý qarastyrylǵan. Nátıjelerdi ulǵaıtý úshin qazirgi ýaqytta normatıvti 30% deıin arttyrý boıynsha jumystar júrgizilip jatyr.
2022 jyldyń qorytyndysy boıynsha respýblıkada 1 225 ga alańda jabyq topyraq qurylystary jumys istedi, onyń 219 ga ónerkásiptik jylyjaı jáne 1006 ga fermerlik jer.