Syz tabannan ótedi
Úlken kisiler únemi jyly kıinýdi eskertedi. Árdaıym ata-analar deneni jylylyqta ustaǵandy durys kórip jatady. Al slaván halyqtarynda mynadaı sóz bar. Olar «Basty salqyn, aıaqty jyly usta» deıdi. Arǵy maǵynasy tereńde jatyr. Munyń birinshisi astarly bolsa, ekinshisin týra maǵynasynda túsinýge bolady.
Jeleń júrýdiń saldary. Búginderi qystyń qaqaǵan sýyǵynda jeleń júretinderdi kózimiz shalady. Tipti jıi ushyrasatyn boldyq. Olar jastardyń arasynda kóp. Sheteldik trendti qýalap, tánniń saýlyǵynan aırylyp jatady. Sonyń negizinde jas otbasylar dúnıege bala ákele almaı jatady. Aıtýǵa qıyn, arty ómir-baqı bedeýlikke soqtyrmasyna kim kepil? Odan bólek qarakózderimiz jer tańdamaı, ózderi oqıtyn, jumys jasaıtyn mekeme aldyna jeńil-jelpi shyǵa salady. Sol arada áńgime-dúken quryp, temeki tartady. Bir qaraǵanda, jáı nárse sıaqty. Dese de, osynyń saldary ýaqyty kelgende baıqalyp jatady.
Aq halatty abzal jandar jan men tánniń saýlyǵy árkimniń jeke ózine baılanysty ekenin aıtyp keledi. Endi osynyń baıybyna barar bolsań, birqatar ádetterden qutylasyz.
Túıin. Árbir jan jarasymdy kıimge qushtar. Bastysy, sony retimen paıdalansa, quba-qup. Qystyń kózi qyraýda aıaq-qoldy jaýyp turatyn jyly da jarasymdy kıim kim-kimniń de ajaryn ashary anyq.