Elordada «omıkron» shtamynyń taralýyna baılanysty qaladaǵy epıdemıologıalyq jaǵdaı óte kúrdeli bolyp qalýda, dep habarlaıdy Almaty-akshamy.kz Nur-Sultan qalasy sanıtarlyq-epıdemıologıalyq qadaǵalaý departamentiniń baspasóz qyzmetine silteme jasap.
Ótken eki aptada indettiń kúnine 80 jaǵdaıy tirkelse, sońǵy alty kúnde aýrýshańdyq deńgeıi 5,5 esege artqan. Aptalyq qarqyndy kórsetkish 496 sanyn quraıdy. Reprodýktıvti sany 2,8-di kórsetip otyr.
Vedomstvo taratqan málimetke súıensek, búginde táýligine jańa jaǵdaılardy tirkeý sany 1494-ge jetti. Qańtardyń alǵashqy 11 kúninde barlyǵy 6116 jaǵdaı tirkelipti. Bul 2021 jyldyń jeltoqsan aıynyń kórsetkishterinen 2,2 esege artyq ekenin kórsetip tur.
Eske sala keteıik, byltyr jeltoqsan aıynyń sońynda júrgizilgen molekýlárlyq-genetıkalyq zertteýlerdiń nátıjeleri boıynsha bir synamada KVI-diń iriktelgen 25 oń synamasynan «omıkron» shtamy anyqtaldy.