Ol týraly Májiliste dóńgelek ústel barysynda aıtyldy.
Májilis depýtaty Qazybek Álishev jylqy etin tutynýshylardyń úlesi jyldan-jylǵa artyp kele jatqanyn aıtyp, nege ol áleýmettik mańyzy bar taýarlardyń tizbesine qosylmaı kele jatqanyn surady, dep habarlaıdy aqshamnews.kz.
Bul suraqqa Saýda jáne ıntegrasıa vıse-mınıstri Janel Kúshikova jaýap berdi.
— Eshqandaı kedergi joq. Biz ol usynysty qaraıyq. Ondaı másele osyǵan deıin kóterilgen joq. Áleýmettik mańyzy bar taýarlardyń tizimi baıaǵydan el ishinde joǵary qoldanysqa ıe ónimderden jasaqtalyp, qalyptasqan. Biz ony kezeń-kezeń saıyn qarap otyramyz. Ol taýarlardyń baǵasy qol jeterlikteı bolý kerek, — dedi Janel Kúshikova.