Erikti bolsań ozasyń!
«Jyl volonteri» jyl saıynǵy halyqaralyq syılyǵy bıyl da tapsyrylady, dep habarlaıdy Almaty-akshamy.kz. QazAqparat saıtyna silteme jasap.
Byltyr QR Prezıdenti Qasym-Jomart Kemeluly Toqaevtyń bastamasy boıynsha «Jyl volonteri» halyqaralyq syılyǵy taǵaıyndaldy. Qazaqstan Respýblıkasy Aqparat jáne qoǵamdyq damý mınıstrligi «Jyl volonteri» halyqaralyq syılyǵyn taǵaıyndaýǵa arnalǵan konkýrs ótkizedi.
Halyqaralyq syılyq áleýmettik jáne qoǵamdyq paıdaly mindetterdi sheshýge úles qosqan volonterler men volonterler tobyn, otandyq jáne halyqaralyq volonterlik uıymdardy kótermeleýge baǵyttalǵan.
Baıqaýǵa úmitkerler álemniń túkpir-túkpirinen qatysa alady. Ol úshin qazvolunteer.kz ınternet-platformasynda ótinim berip, volonterlik qyzmeti týraly derekterdi toltyrý qajet. Ótinim qabyldaý 2021 jylǵy 1 qazan saǵat 09.00-den bastalady jáne 2021 jylǵy 20 qazan saǵat 18.30-ge deıin jalǵasady.
Baıqaý eki kezeńde ótedi: birinshi - qazvolunteer.kz ınternet-platformasynda ashyq onlaın-daýys berý, ekinshi - eń kóp daýys jınaǵan jáne ekinshi kezeńge ótken qatysýshylardy konkýrstyq komısıa baǵalaıdy.
Nátıjesinde myna nomınasıanyń árqaısysy boıynsha úsh úmitker jeńimpaz bolyp tanylady: «Úzdik volonterlik uıym» «Korporatıvtik volonterlik kóshbasshysy» «Koronavırýstyq ınfeksıamen kúreske qatysqany úshin» «Turaqty damý maqsattarynyń kóshbasshylary» «Úzdik áleýmettik kómekshi» «Tótenshe jaǵdaılardy joıýǵa belsendi qatysqany úshin» «Habar-osharsyz ketken adamdardy izdeýge belsendi qatysqany úshin» «Quqyq buzýshylyq qurbandaryna kómek kórsetýge belsendi qatysqany úshin» «Densaýlyq saqtaýdy damytýǵa belsendi qatysqany úshin» «Salaýatty ómir saltyn nasıhattaýǵa belsendi qatysqany úshin» «Bilimdi dáripteýge qosqan úlesi úshin» «Qorshaǵan ortany saqtaýǵa jáne qorǵaýǵa qosqan úlesi úshin» «Beıbitshilikti, dostyq pen kelisimdi nyǵaıtýǵa qosqan úlesi úshin» «Tarıhı-mádenı murany saqtaýǵa jáne damytýǵa qosqan úlesi úshin» «Zoologıalyq qorǵaý máselelerin sheshýge qosqan úlesi úshin» «Áleýmettik mindetterdi sheshýge qosqan úlesi úshin».
«Jyl volonteri» halyqaralyq syılyǵyn berý qaǵıdalary QR Aqparat jáne qoǵamdyq damý mınıstrliginiń ınternet-resýrstarynda ornalastyrylǵan. Konkýrstyń tolyq sharttarymen osy siltemede tanysýǵa bolady.