Ulttyq qundylyq - basty baılyq!
Elimizdegi Jas Nomad jobasy ulttyq qundylyqtardy jańǵyrtady, dep habarlaıdy Almaty-akshamy.kz.
Qazynaly qazaq halqynyń ulttyq qundylyqtary men mádenıetin dáripteý. Osynyń qamynda el astanasynda «Jas Nomad» jobasy júzege asyrylýda. İs-sharalar kesheni 4 baǵytty qamtıdy.
Onyń alǵashqysy – onlaın sabaqtar. Mal etin bólshekteý, ataýlary, qonaq kádeleri, ulttyq taǵamdar, kıimder men kóne oıyndar jáne tól aspaptarymyz jaıynda syr shertetin beınesabaqtar áleýmettik jelilerde júkteledi. Kelesi kezeń umyt bolyp bara jatqan ata kásipterdi jańǵyrtýǵa baǵyttalǵan.
Oflaın formatta qolóner, qysh ydystar men aspaptar jasaý jáne tigý óneri kıiz úı qurastyrý boıynsha sheberlik synyptary uıymdastyrylady. Budan bólek mádenıetimiz, tamyry tereń tartqan salt-dástúrlerimiz jaıynda túsirilgen beıne rolıkter baıqaýy jarıalanady. Sońǵy kezeńde ulttyq qundylyqtarǵa degen jastardyń kózqarasyn anyqtaý maqsatynda qazaq jáne orys tilderinde áleýmettik jeliler arqyly saýalnamalar júrgizý kózdelgen.
Táýelsizdiktiń 30 jyldyǵyna oraı qolǵa alynǵan tanymdyq bastama jyl sońyna deıin jalǵasady.