Júzdesý
Sybaılas jemqorlyqqa qarsy is-qımyl agenttiginiń Almaty qalasy boıynsha departamenti men A.P.Chehov atyndaǵy ortalyq qalalyq kitaphanasynyń birlesýimen "Parasat joly" jobasy aıasynda Qazaqstannyń eńbek sińirgen qaıratkeri, Halyqaralyq «Alash» syılyǵynyń laýreaty, aqyn Qasymhan Begmanovpen tikeleı efırde onlaın kezdesý ótti, dep habarlaıdy Almaty-akshamy.kz.
Kezdesý barysynda aqynnyń shyǵarmashylyǵy men halqyna atqaryp jatqan eren eńbekteri týraly aıtyldy. Ol óz shyǵarmashylyǵynan basqa, ómirindegi túrli oqıǵalardy da aıtyp berdi.
Sondaı-aq, óz tájirıbesine súıene otyryp, jastardy parasattylyq, adaldyq, adamgershilik jáne jaýapkershilik qaǵıdattaryna ádettendirýdiń mańyzdylyǵyn atap ótti.
«Jastar muǵalimderdiń ilimderin tyńdap qana qoımaı, kóptegen túrli kitaptardy oqýy kerek, óıtkeni kitap – bilimniń eń basty derekkózi», - dep Qasymhan Begmanov qorytyndady.