Qaldyqtardy qaıta óńdeý máselesi óte ózekti.
Elimizde jyl saıyn 4,5 mln tonna qatty turmys qaldyq shyǵarylady. Biraq onyń az bóligi ǵana óńdeledi. Bul týraly Qazaqstan ekologıalyq uıymdarynyń menedjeri Damır Aýetaev aıtty, dep habarlaıdy Almaty-akshamy.kz Inbusinnes.kz silteme jasap.
«Búginde turmystyq qaldyqtardy qaıta óńdeý máselesi óte ózekti. Mysaly, árbir qazaqstandyq jyl saıyn 280-330 myń keli qaldyq qaldyrady. Qatty turmystyq qaldyqtardyń basym bóligi qalalardaǵy polıgondarda, qoqys alańdarynda jınalady. Olardyń 97% Qorshaǵan ortany qorǵaý zańynyń talaptaryna saı kelmeıdi. Jyl saıyn Qazaqstanda 4,5 mln tonna qatty turmystyq qaldyq shyǵarylady. Biraq onyń bóligi ǵana qaıta óńdeledi», - dedi Damır Aýetaev StopMusor eko-kampanıasy aıasynda ótken is-sharada.
Onyń aıtýynsha, 2020 jyldyń qorytyndysy boıynsha qatty turmystyq qaldyqtardy bólek jınaý jáne suryptaý oryndary kóp ashylǵan óńir – Qaraǵandy oblysy. Damır Aýetaev mundaı oryndar elimizde kóp ashylýy kerek degen pikirde.
«Álemde qoqysty óńdeý boıynsha kóshbasynda Germanıa tur. Bul elde jylyna 47,7 mln qoqys shyǵarylady, al qatty turmystyq qaldyqtardy qaıta óńdeý deńgeıi – 66%», - dedi menedjer.
Aıta keteıik, StopMusor eko-kampanıasy elimizde ekologıalyq mádenıetti qalyptastyrý jáne turmystyq qaldyqtardy jaýapkershilikpen kádege jaratý, sondaı-aq World clean up day dúnıejúzilik aksıasy aıasynda eriktilerdi daıarlaý úshin uıymdastyryldy.