Sınoptıkterdiń boljamy.
«Qazgıdromet» mamandary 21-23 mamyr kúnderi aýa raıy qandaı bolatynyn aıtty, dep habarlaıdy Almaty-akshamy.kz.
Mamandardyń boljamy boıynsha, respýblıkanyń búkil aýmaǵynda aýa raıynyń turaqsyz sıpaty kútiledi. Solaısha kún kúrkirep, jel kúsheıip, burshaq jaýýy múmkin.
«Soltústik-batysta, sondaı-aq ońtústik óńirlerdiń taýly jáne taý bókterindegi aýdandarynda qatty jańbyr jaýady dep boljanýda. Batysta, soltústik-batysta túnde jáne tańerteń topyraq betinde 2 gradýsqa deıin aıaz bolýy múmkin. Batysta kúndizgi temperatýranyń 8-18-den 15-28 gradýsqa deıin azdap kóterilýi, al qalǵan aýmaqtarda temperatýranyń tómendeýi, kúndiz soltústikte, ortalyqta 25-30-dan 15-20-ǵa deıin, eldiń ońtústiginde jáne shyǵysynda 28-33-ten 17-25 gradýsqa deıin bolady dep kútilýde»,- delingen «Qazgıdromet» habarlamasynda.