Almatyda aǵashtardy sanıtarlyq kesý maýsymdyq is-shara bolyp tabylady. Almaty óńirlik komýnıkasıalar qyzmetiniń brıfıńinde jasyl jelekterdiń, sonyń ishinde apatty jaǵdaı týraly qalalyq Jasyl ekonomıka basqarmasy basshysynyń m.a. Serik Ádilbaev aıtyp berdi, dep habarlaıdy Almaty-akshamy.kz.
Sanıtarlyq kesý aǵashty qurǵaq butaqtardan aryltady. Eger sanıtarlyq kesý únemi júrgizilse, táj saýyǵady, aǵashtyń nemese qabyqtyń ártúrli aýrýlarynyń paıda bolý yqtımaldyǵy tómendeıdi.
Aýdandyq ákimdikterge 19 myń aǵashty mindetti túrde ótemdik otyrǵyzýmen 1,9 myń aǵashty kesýge 54 mln teńge bólindi.
«Biz jasyl keńistikterdiń tájin sanıtarlyq, jasartatyn jáne pishindeıtin kesýdi júzege asyramyz. Jyl saıyn aýdandyq ákimdikter 61 myń aǵashty kesedi», - dedi S. Ádilbaev.
Spıkerdiń aıtýynsha, aǵashtardy sanıtarlyq kesý – bul adamdarǵa qaýip tóndiretin butaqtaryn alyp tastaý.
Jasyl ekonomıka basqarmasynyń aqparaty boıynsha, túgendeý jáne orman patologıalyq zertteýden ótken Almaty qalasynda 2 802 737 aǵash ósetindigin kórsetti, onyń ishinde 84 628-i apatty. Negizinen apatty aǵashtar qalanyń ortalyq bóliginde jáne tynysh aýdandarda ornalasqan.
Bıylǵy jyly 242 aǵash dińderi men iri butaqtardyń qulaý jaǵdaıy tirkeldi (aǵash dińderiniń qulaýy – 185, úlken butaqtar – 57). Qulaýdy joıý boıynsha jumystar aýdan ákimderi apparattarynyń komýnaldyq qyzmetteriniń jáne Almaty qalasynyń qutqarý qyzmetiniń kúshimen oryndaldy.
Apatty jaǵdaıdaǵy aǵashtar kesilgen jerlerde jańa kóshetterdi ótemdik otyrǵyzý júrgiziledi, bul Almaty qalasynyń jasyl qoryn jańartýǵa qyzmet etedi.
Spıkerdiń aıtýynsha, aǵashtardy kesý (qaıta otyrǵyzý) Almaty qalasy Jasyl ekonomıka basqarmasynyń ruqsatymen júzege asyrylady. Aǵashtardy kesýge ruqsat alý úshin belgilengen tártippen qujattardy elektrondyq nysanda E-gov (e-license – qorshaǵan ortany qorǵaý – aǵashtardy kesýge ruqsat berý – Qyzmetke onlaın tapsyrys berý) elektrondyq úkimeti arqyly jiberý qajet.
Shyǵyndy óteý jaǵdaılary týraly aıta kele, Serik Ádilbaev jasyl jelekter qulaǵan kezde múlikke zaqym kelgen jaǵdaıda irgeles aýmaqtyń ıesi 5 metr shekarada jaýapty ekenin atap ótti. Jalpy paıdalanylatyn jerlerde jaýapkershilik osy ýchaskege qyzmet kórsetetin kógaldandyrý jónindegi uıymdarǵa (aýdan ákimdigi) bekitilgen. Sondaı-aq, ol shyǵyndy óteýdi qaraý prosesi jeke sıpatqa ıe ekenin jáne ádette sot arqyly qaralatynyn habarlady.