Almatyda senbilikter jylyna eki ret – kóktem men kúzde ótkiziledi
Ótken senbilikte Almaty turǵyndary 10 tekshe metrden astam qoqys jınady. Bul týraly Almaty óńirlik komýnıkasıalar qyzmetiniń brıfıńinde Jasyl ekonomıka basqarmasy basshysynyń m.a. Serik Ádilbaev aıtyp berdi.
9 sáýirde Almaty qalasynyń turǵyndary men komýnaldyq qyzmetteriniń birlesken kúshimen 10 910 tekshe metr qoqys jınalyp, shyǵaryldy. Sonymen qatar, 5 myńnan astam aǵash otyrǵyzyldy.
Serik Ádilbaev jalpyqalalyq senbilikter jylyna eki ret – kóktem men kúzde ótkiziletinin habarlady. Kóshelerdi, aýla aýmaqtaryn, jalpy paıdalaný oryndaryn, aryq jelilerin, bos jerler men jasyl aımaqtardy, sondaı-aq ózen arnalary men jaǵalaýlaryn, sý aıdyndaryn sanıtarlyq tazartý júrgiziledi.
Almatyda senbilikke barlyǵy 61 035 adam shyqty, 510 birlik tehnıka jumyldyryldy. «Jasyl aýla» aksıasy aıasynda turǵyndarǵa 400 kóshet otyrǵyzyldy. Qala aýmaǵynda 5283 japyraqty jáne qylqan japyraqty aǵashtar (qaraǵaı, qaıyń, shaǵan, alma, úıeńki) otyrǵyzyldy.
Qalanyń Jasyl ekonomıka basqarmasy basshysynyń mindetin atqarýshy almatylyqtardan jınalǵan qoqysty, japyraqtardy órtemeýin surady. Ot jaǵý órttiń taralýyna jáne múliktiń joıylýyna ákelýi múmkin. Onyń ústine, «Almaty qalasynyń jasyl jelekterin kútip ustaý jáne qorǵaý erejelerine» sáıkes buǵan úzildi-kesildi tyıym salynady.