Tamaq baǵasynyń jyldyq ósýi 10 paıyzǵa jetti.
Tipti, kóp aıtyla beretin áleýmettik mańyzy bar ónimder de bir aptada 0,4%-ǵa, bir aıda 0,7%-ǵa qymbattady, dep habarlaıdy Almaty-akshamy.kz Energyprom.kz saıtyna silteme jasap.
Qabyldanǵan sharalarǵa, ýádeler men nusqaýlarǵa qaramastan, áleýmettik mańyzy bar taýarlardyń qymbattaýy jalǵasýda. Máselen, aǵymdaǵy jyldyń 25 qańtarynyń qorytyndysy boıynsha, bul segmenttegi baǵanyń apta saıynǵy ósimi 0,4% bolsa, al jyl basynan bergi ósim 0,7%-dy qurady.
Sonymen qatar, áleýmettik mańyzy bar sanatqa engen 19 taýardyń tek tórteýi ǵana jyl basynan beri qymbattamaǵan, taǵy ekeýiniń baǵasy sál arzandaǵan. Qalǵan 13 taýardyń baǵasy qymbattady, olardyń keıbireýleriniń narqy aıtarlyqtaı ósken. Máselen, jyl basynan beri sábiz 2,2 paıyzǵa, kartop 4,2 paıyzǵa, qyryqqabat 18,7 paıyzǵa qymbattaǵan. Onyń ústine munyń sebebi baǵanyń maýsymdyq ósýimen baılanysty emes.
Eldiń iri qalalary men megapolısteriniń ishinde baǵalardyń 1%-dan astam qymbattaýy Nur-Sultanda (plús 1,5%), Kókshetaýda (plús 1,4%), Aqtóbede (plús 1,1%) jáne Tarazda (plús 1%) baıqalǵan. Eskertý: bul jerde barlyq azyq-túlik ónimderi emes, ómir súrý úshin qajetti áleýmettik mańyzdy taýarlar týraly ǵana aıtylyp otyr.
Eske sala ketsek, Qazaqstan Respýblıkasynda azyq-túlik baǵasynyń ósýi men osy segmenttegi túıtkildi máseleler birneshe ret aıtylǵan bolatyn. Máselen, ótken jyldyń qyrkúıeginde Prezıdent Toqaev halyqqa joldaýynda azyq-túlik ónimderine baǵa belgileý men bólýdiń tıimsizdigin taǵy bir márte atap ótip, Qazaqstan Respýblıkasynda uzaq ýaqyt boıy tıimdi jumys isteı almaǵan kóterme saýda ortalyqtardy jáne óndirýshiden tutynýshyǵa deıingi tizbektegi baǵalarǵa biryńǵaı baqylaýdyń joqtyǵyn atap ótti.
Bıylǵy jyldyń 5 qańtarynda elimizdiń áleýmettik-ekonomıkalyq jaǵdaıyna arnalǵan keńeste Prezıdent áleýmettik mańyzy bar azyq-túlik taýarlarynyń baǵasyn memlekettik retteý qajettigin taǵy da atap ótti.
Saladaǵy baǵany turaqtandyrý máselesin jańa Premer-Mınıstr Álıhan Smaıylov ta kóterip, bul rette ákimdikter men Aýyl sharýashylyǵy mınıstrligi jumysynyń tıimsizdigin atap ótti.
«Shyndyǵynda, áleýmettik mańyzy bar azyq-túlik taýarlarynyń baǵasynyń ósýin tejeý jumysy baqylaýsyz qaldy», - dedi Smaıylov aǵymdaǵy jyldyń 29 qańtarynda ótken Úkimet otyrysynda.
Jalpy, aǵymdaǵy jyldyń qańtar aıynda ınflásıa deńgeıi aıyna 0,7 paıyzdy, jyldyq dınamıka boıynsha 8,5 paıyzdy qurady. Onyń ústine ınflásıalyq prosesterdi ilgeriletip otyrǵan azyq-túlik taýarlarynyń segmenti: sektordaǵy baǵanyń ósimi aıyna 1%-dy jáne jylyna birden 9,9%-dy qurady.
Jalpy Qazaqstan Respýblıkasynyń 17 óńiriniń 9-ynda azyq-túlik baǵasynyń aı saıyn 1%-dan astam qymbattaýy baıqaldy. Onyń ishinde 7 óńirdiń osy saladaǵy jyldyq baǵa ósimi 10 paıyzdan asty.
Elimizdiń birde-bir óńirinde azyq-túlik taýarlarynyń qunyn tómendetý nemese eń bolmaǵanda baǵany sol deńgeıde ustap turý jaǵdaıy baıqalǵan joq.