Kópten kútken qujat.
55 jasar almatylyq kópten kútken qujatyn aldy, dep habarlaıdy Almaty-akshamy.kz.
Qazaqstannyń Ishki ister mınıstrliginiń resmı saıtyndaǵy derek boıynsha, Kóshi-qon qyzmetiniń qyzmetkerleri qujatsyz, tirkeýsiz jáne azamattyǵy joq adamdardy anyqtaý jumystaryn júrgizip jatyr.
«Qujattardyń bolmaýyna baılanysty adamdarda densaýlyq saqtaý, bilim alý, qajetti járdemaqy men zeınetaqy alý múmkindigi shekteýli, sonymen qatar, resmı túrde jumysqa ornalasý múmkindigi joq. Mundaı adamdardy anyqtaý belgili bir qıyndyq týǵyzady, óıtkeni Qazaqstan azamattyǵyna jatatynyn anyqtaý jáne odan ári jeke kýálikke tirkelý kelýdi jáne birshama ýaqytty talap etedi. Jeke kýálik alǵan azamattar Qazaqstan Respýblıkasynyń azamattyǵyn rastaǵannan keıin Qazaqstan Respýblıkasy azamatynyń jeke basyn kýálandyratyn qujattary rásimdeledi», – dedi Almaty qalalyq PD Kóshi-qon qyzmeti basqarmasynyń bastyǵy Asqat Býtýnchınov.
1967 jyly týǵan Alekseı Nızamov QR azamatynyń jeke kýáligin berýge ruqsat beretin qujattardy 11 jyldan keıin alǵan.
«Bul kisiniń oqıǵasy basqalarǵa uqsas. Almaty qalasynyń týmasy 2011 jyly Reseı Federasıasyna ketken. Qonys aýdarýǵa jáne turaqty turýǵa qujattardy daıyndady. Ol jergilikti tirkeýden shyǵaryldy, biraq belgili bir sebeptermen kórshi memleketke tirkelip, Reseı Federasıasy azamatynyń tólqujatyn ala almady. Reseıde az tabyspen kún kórdi. Odan ári Otanyna kelgen ol tirkeýge tura almady, óıtkeni birde-bir bazada bolmaǵan. SİM Konsýldyq qyzmetiniń kómegimen azamat Nızamov saýaldaryna jaýap aldy. Ol Qazaqstan azamaty retinde qujattaldy», – dep túıindedi A.Býtýnchınov.