Sanksıaǵa ushyraǵan Belarýs azamattarynyń aty-jóni joq.
AQSH Belarýs eliniń birqatar azamattaryna, ıaǵnı shetelde «dıssıdentterge qarsy jasalǵan áreketteri» úshin vızalyq sanksıa saldy. Bul týraly Memlekettik hatshy Entonı Blınken málimdedi, dep habarlaıdy Almaty-akshamy.kz Lenta.ru cilteme jasap.
Memlekettik hatshy atap ótkendeı, tyıym salynǵan tulǵalardyń dıssıdentterge qarsy áreketi «ulttyq ıýrısdıksıadan tys» júzege asyryldy.
Amerıka Qurama Shtattary mundaı áreketti, sonyń ishinde ótken jyly Tokıodaǵy Jazǵy Olımpıada oıyndary kezinde belarýstik olımpıadalyq sportshy Krıstına Tımanovskaıany elge kúshtep qaıtarý áreketin aıyptaıdy.
Sonymen birge, málimdeme mátininde sanksıaǵa ushyraǵan Belarýs azamattarynyń aty-jóni joq. RIA Novostı agenttiginiń habarlaýynsha, Memlekettik departament muny AQSH zańy boıynsha vızalyq jazbalar «qupıa», sondyqtan sanksıaǵa ushyraıtyn naqty tulǵalardy kórsetetin málimetterdi berý múmkin emestigimen túsindirdi.