Tótenshe jaǵdaılardyń aldyn alý jáne joıý - basty mindet.
Órt sóndirýshiler, qutqarýshylar, kınologtar, dárigerler, psıhologtar, dıspecherler men ushqyshtar tótenshe jaǵdaılardy joıady, órtti sóndiredi, adamdar men múlikti qutqarady, dep habarlaıdy Almaty-akshamy.kz
Jyl basynan bastap tótenshe jaǵdaılardy joıý úshin TJM órt sóndirý qyzmeti, jedel qutqarý jáne basqa da bólimsheleri 61 983 ret shyǵyp, 9 863 adamdy qutqardy
TJ aımaǵynan 10 627 adam evakýasıalanyp, 3 690 zardap shegýshige alǵashqy medısınalyq kómek kórsetildi.
9 727 tabıǵı jáne tehnogendik sıpattaǵy tótenshe jaǵdaılar men oqıǵalar tirkeldi, onda 1 481 adam zardap shekti.
TJM kezekshi-dıspecherlik bólimsheleri SMS-habarlamalardyń bekitilgen tizbesine sáıkes, uıaly baılanys telefondaryna SMS-habarlamalardy jiberý arqyly tabıǵı jáne tehnogendik sıpattaǵy tótenshe jaǵdaılardyń týyndaý qaýpi týraly halyqty habardar etý jóninde dereý sharalar qabyldaıdy.
Uıaly baılanys operatorlary arqyly halyqqa daýyldy eskertý (kóktaıǵaq, qatty jel, boran, qatty aıaz, jańbyr sýynyń qaýpi, qar kóshkini qaýpi jáne t.b.), tas joldarynyń jabylýy, sabaqtardyń toqtatylýy boıynsha 4558 sms-habarlama jiberildi.
Jedel den qoıýdy jáne sheshim qabyldaýdy talap etetin aqparat belgilengen tártipke sáıkes dereý tıisti basqarý organdaryna jetkiziledi.