Siz jáne sizdiń balalaryńyz neni bilýi kerek?
Statısıkaǵa sáıkes, álemdegi árbir tórtinshi bala onyń ártúrli formalarynan zardap shegýde. Aýrýdyń belgileri týraly Almaty Teri-venerologıalyq dıspanseriniń dermatovenerology Dana Ahmetova baıandap berdi, dep habarlaıdy Almaty-akshamy.kz Almaty qalasy qoǵamdyq densaýlyq saqtaý basqarmasynyń baspasóz qyzmetine silteme jasap.
Atopıalyq dermatıt – kúrdeli mýltıfaktorly aýrý. Aýrýdyń negizgi kórinisi uıqyǵa kedergi keltiretin, jalpy ál-aýqatty nasharlatatyn jáne únemi titirkenýge ákeletin qyshý bolyp tabylady.
Mamannyń aıtýynsha, bul patologıa teriniń sozylmaly ımýndyq qabynýymen sıpattalady.
«Zertteý derekterine sáıkes, balalyq shaqta klınıkalyq belgileri bar naýqastardyń shamamen úshten biri eger emdeý ýaqytynda bastalsa, eresek jasta ózderin qanaǵattanarlyq sezinedi», – dep atap ótti Dana Ahmetova.
Atopıalyq dermatıttiń klınıkalyq kórinisi teriniń ártúrli aımaqtarynda kóptegen qabyný oshaqtarynyń paıda bolýyna baılanysty. Olar aýrý satysyna baılanysty ártúrli kóriniske ıe bolýy múmkin
«Jiti fazada elementter ashyq qyzyl bolady. Qabyný aımaǵyna qosymsha qan aǵymynyń áserinen jergilikti isiný paıda bolady. Qabyrshaqtar, búrtikter bolýy múmkin. Palpasıa kezinde teri betteri ylǵaldy bolady. Jartylaı remısıa kezeńinde et betindegi tústi bórtpeler qurǵaq, qabyrshaqtanýy múmkin. Jańa elementterdiń paıda bolýy kóbinese teriniń kıimge úıkelisinen bolady. Teri bórtpeleriniń taralýy: bas aımaǵynda (onyń túkti bóliginde), moıyn men keýdede; ádette býyndardyń ekstenzorly betterinde jańa bórtpeler paıda bolady», – deıdi dáriger.
Atopıalyq dermatıt genetıkalyq anyqtalǵan aýrý ekendigi dáleldendi. Iaǵnı, eger ata-analardyń biri osyndaı patologıadan zardap shegetin bolsa, onyń balada paıda bolý múmkindigi 30-40% bolýy múmkin. Anasynda da, ákesinde de aýrý bolǵan kezde náreste úshin qaýip 70-75%-ǵa deıin artady.
«Jasóspirim balalarda keıde atopıalyq dermatıttiń sebebi psıhosomatıka bolyp tabylady, mundaı jaǵdaılarda psıhologtar nemese balalar psıhıatrlary árdaıym emdeýge yqpal etetin bolady», – dep túsindirdi Ahmetova.
- Qalaı bolǵanda da, eger siz terińizde bórtpe baıqasańyz, shuǵyl túrde dárigerge qaralýyńyz kerek, - dep keńes beredi dermatovenerolog.