Shekaradan asýǵa shekteý 6 aıǵa deıingi merzimge kózdeledi.
Azamattardyń jekelegen sanattary úshin respýblıkadan ketý tártibi týraly zań jobasyna engizilgen tıisti túzetýlerdi 12 qazanda Belarýs parlamentshileri birinshi oqylymynda qabyldady, dep habarlaıdy Almaty-akshamy.kz Inbusiness.kz silteme jasap.
İshki ister mınıstriniń orynbasary Gennadıı Kazakevıchtiń aıtýynsha, "Belarýs azamattarynyń shetelge shyǵý quqyǵyn shekteý úshin jańa negizder engizilýde – basqarý tártibine qarsy Ákimshilik quqyqbuzýshylyq jasaǵany úshin olarǵa qatysty ákimshilik proses júrgizilip jatqan adamdarǵa shekteýler qoıylady".
Jańa zań jobasy aıyppul tólemeı júrgenderdi shetelge shyǵarmaý úshin jasalǵan.
Sonymen qatar zań jobasy Memlekettik qaýipsizdik komıtetine Ulttyq qaýipsizdik múddesi úshin jeke tulǵalardyń Belarýssıadan shyǵýyn ýaqytsha shekteý quqyǵyn beredi.
Bul rette ulttyq qaýipsizdik maqsatynda shekaradan asýǵa shekteý 6 aıǵa deıingi merzimge kózdeledi.
"Sonymen qatar elimizdiń quzyretti organdary habarlaǵandaı, shet memleketterdiń arnaıy qyzmetteriniń áskerı qyzmetshiler, qyzmetkerler, áskerı quralymdar men áskerılendirilgen uıymdardyń azamattyq adamdary men memlekettik qyzmetshiler sanatyndaǵy Belarýs azamattaryna erekshe nazar aýdarýyna baılanysty shetelge shyǵýdyń jańa tártibin engizý josparlanýda", – dedi Kazakevıch.