Jyl basynan beri qazaqstandyqtarǵa qoǵamdyq kólik aqysyn tóleýden jaltarǵany úshin 8 myńnan astam aıyppul salynǵan, dep habarlaıdy almaty-akshamy.kz City Transportation Systems kompanıasynyń baspasóz qyzmetine silteme jasap.
«Jyl basynan beri Qazaqstanda 8 081 jolaýshy bıletsiz júrgeni úshin ákimshilik jaýapqa tartylǵan. Onyń 65%-y Nur-Sultan qalasynda qoǵamdyq kólikti paıdalaný qaǵıdalarynyń 622-baby 2-tarmaǵyn buzǵan, ıaǵnı, qoǵamdyq kólikte júrgeni úshin aqy tóleýden jaltarǵan», - dep jazady City Transportation Systems kompaınıasynyń baspasóz qyzmeti.
Jyldyń jeti aıynda City Transportation Systems kompanıasy elordada jol júrý aqysyn tóleýden jaltarýdyń 134 558 faktisin tirkegen. Onyń ishinde 5 290 azamat ákimshilik jaýapqa tartylǵan. Bul byltyrǵy kórsetkishpen salystyrǵanda 274%-ǵa kóp. Salynǵan aıyppuldardyń jalpy somasy 29 mln teńgeden asyp otyr.
«Sonymen qatar, jolaýshylar arasynda jeńildigi bar jáne mektep oqýshylaryna arnalǵan kartalardy úshinshi tulǵalardyń paıdalanýyna beretinder bar. Kóliktik baqylaý qyzmetkerleri osyndaı 1 111 kartany tárkiledi. Astanadan keıin qoǵamdyq kólikpen bıletsiz júrgeni úshin jaýapqa tartylǵandar sany boıynsha Almaty qalasy (1 524) jáne Shyǵys Qazaqstan oblysy (1 026) alǵashqy úshtikte tur», - delingen City Transportation Systems málimetinde.