Almatyda aǵasy men qaryndasy jalǵan ekpe qujattaryn jasaǵan, dep habarlaıdy almaty-akshamy.kz Polisia.kz. silteme jasap.
Týystardyń zańsyz áreketterin krımınaldyq polısıa qyzmetkerleri jedel jáne arnaıy is-sharalar barysynda anyqtady.
– Bizdiń nazarymyzǵa birinshi bolyp 22 jastaǵy A.esimdi azamat tústi, ol alaıaqtyqtyń barlyq uıymdastyrýshylyq bóligin júzege asyrǵan: áleýetti klıentterdi tapty, kelissózder júrgizdi, tólemdi elektrondy aýdarymdar arqyly qabyldady. Sodan keıin tehnıkalyq jaǵyn júzege asyrý úshin qaladaǵy emhanalardyń birinde medbıke bolyp jumys isteıtin ápkesin qosty. 25 jastaǵy M.esimdi azamatsha óz kezeginde KVI-ge qarsy egilgenderdiń málimetter bazasyna “klıentterdiń” derekterin engizdi. Biz is júrgizý tártibimen M.esimdi azamatshanyń jumys ornynda ruqsatty izdeý júrgizdik. QR QK-niń 385-baby boıynsha sotqa deıingi tergeýdiń biryńǵaı reestrinde tirkelgen qylmystyq is materıaldaryna, keńse tehnıkasyn jáne profılaktıkalyq egýlerdi tirkeý qujattamasyn tirkedik jáne tárkiledik, – dep habarlady Almaty qalalyq PD krımınaldyq polısıa basqarmasynyń bastyǵy Qýatbek Naýatov. Eki aıyptalýshy da qylmystyq jaýapkershilikke tartyldy. Tergeýdi Almaty qalasy PD anyqtaý basqarmasy júrgizýde.
Brat s sestroı podelyvalı v Almaty pasporta vaksınasıı - YouTube