Almaty qalasynda 50-ge jýyq polıseı páter ıeleri atandy
Almaty qalasynda 50-ge jýyq polıseı “Almaty jastary 3.0” baǵdarlamasy boıynsha páter ıeleri atandy, dep habarlaıdy almaty-akshamy.kz Polisia.kz. silteme jasap.
Buryn habarlanǵandaı, Almaty qalasy ákimdiginiń qoldaýymen “Almaty jastary 3.0” turǵyn úı baǵdarlamasyna qatysatyn adamdar sanatynyń tizimine 35 jasqa deıingi polısıa qyzmetkerleri kiredi.
– Qazirgi ýaqytta PD qyzmetteri men bólimderiniń qyzmetkerleri “Almaty jastary 3.0” turǵyn úı baǵdarlamasyna qatysýǵa 707 ótinim berdi. 349 ótinish berýshi tólem qabilettiligin rastaý úshin bankke joldama aldy. Bul kezeńde barlyǵy 46 polısıa qyzmetkeri osy baǵdarlama boıynsha páter aldy, bankte taǵy 86 tártip saqshysynyń qujattary qaralýda. Aqparat úshin osy turǵyn úı baǵdarlamasy boıynsha memlekettik qyzmetshilerge 1 myń turǵyn úı nesıesi bólindi, onyń 170-i polısıa qyzmetkerlerine, – dedi Almaty qalalyq polısıa departamenti bastyǵynyń orynbasary Ábdýálı Nasharbekov.
Sonymen qatar polısıada 2021 jyldyń 1 sáýirinde “Qazaqstan Respýblıkasynyń keıbir zańnamalyq aktilerine, ónerkásiptik qaýipsizdik, ónerkásiptik aımaqtar, janýarlar dúnıesi, erekshe qorǵalatyn tabıǵı aýmaqtar, energetıka, tabıǵı monopolıalar jáne ishki ister organdary qyzmetkerlerine turǵyn úı tólemderi boıynsha osy suraqtarǵa qatysty ózgerister men tolyqtyrýlar engizý týraly” zańǵa qol qoıylǵandyǵyn aıtty. Zań polısıa qyzmetkerlerin turǵyn úımen qamtamasyz etýdiń jańa júıesine kóshýdi jáne aı saıynǵy turǵyn úı tólemderin júzege asyrýdy kózdeıdi.
Qyzmetkerlerdiń turǵyn úı tólemderin paıdalaný arqyly turǵyn úıge menshik quqyǵyn alý bir ret júzege asyrylady. Turǵyn úı járdemaqylary qatań túrde taǵaıyndalǵan jáne olardy basqa maqsattarǵa paıdalanýǵa bolmaıdy.