2025 jylǵy 1 aqpandaǵy jaǵdaı boıynsha memlekettik eńbek ınspektorlary respýblıkanyń 16 kásipornynda 1,1 myńnan astam jumyskerge 318,2 mln teńgege jalaqy boıynsha bereshek ekenin anyqtady.
Sonymen birge túrli uıymdarda júrgizilgen tekserýler barysynda 499 eńbek quqyǵynyń buzylýy anyqtaldy, dep habarlaıdy aqshamnews.kz.
Jalaqy boıynsha bereshegi bar kásiporyndardyń basshylaryna oryndaýǵa mindetti 240 uıǵarym berildi jáne 24,3 mln teńgeden astam somaǵa aıyppul salyndy.
Qabyldanǵan sharalardyń, onyń ishinde jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 890 jumyskerdiń quqyqtary qorǵaldy. Olarǵa 81,3 mln teńge tólendi.
Budan basqa, eńbek zańnamasynyń saqtalýyna memlekettik baqylaýdy qamtamasyz etý máseleleri QR Eńbek jáne halyqty áleýmettik qorǵaý mınıstrliginiń erekshe baqylaýynda.
2025 jylǵy 1 aqpandaǵy derekter boıynsha memlekettik eńbek ınspektorlary 389 tekserý júrgizdi, onyń barysynda 499 buzýshylyq anyqtaldy, onyń ishinde: eńbek salasynda – 466; eńbek qaýipsizdigi jáne eńbekti qorǵaý boıynsha – 31; halyqty jumyspen qamtý boıynsha – 2.
Qabyldanǵan sharalardyń nátıjesinde 3,8 myń jumyskerdiń eńbek quqyǵy qorǵaldy.