Jyl basynan beri memlekettik eńbek ınspektorlary 1 myńnan astam eńbek zańnamasynyń buzylǵanyn anyqtady, dep habarlaıdy Almaty-akshamy.kz BAQ.KZ-ke silteme jasap.
Bul týraly Ortalyq kommýnıksıalar qyzmetinde ótken brıfıń barysynda belgili boldy. Eńbek salasynda 865, eńbek qaýipsizdigi jáne eńbekti qorǵaý boıynsha 132, halyqty jumyspen qamtý boıynsha 8 fakt anyqtalǵan.
2021 jylǵy 1 jeltoqsannan bastap jumys berýshiler hr.enbek.kz eńbek resýrstarynyń jańa portalynda iske qosylǵan «Onlaın eńbek konsýltanty» fýnksıonaly arqyly eńbek zańnamasy talaptarynyń saqtalýyn ózin-ózi teksere alady, - dedi EHÁQM Eńbekjáne áleýmettik qorǵaý komıtetiniń tóraǵasy – Bas memlekettik eńbek ınspektory Tólegen Ospanqulov.
Búgingi tańda portal arqyly 19 myńǵa jýyq adam ózin-ózi teksergen.