Beınebaqylaý kamerasynyń múmkindikteri.
Qoǵamdyq qaýipsizdikti qamtamasyz etý jáne qaladaǵy jaǵdaıdy baqylaý úshin Almaty polıseıleri 131 myńnan astam beınebaqylaý kameralaryn qoldanady. Onyń 18 myńnan astamy PD Jedel basqarý ortalyǵyna shyǵady.
«Bul kameralar bizge kóshedegi qylmystyń aldyn alýda jáne jasalǵan qylmystardy “izin sýytpaı” ashýǵa ǵana emes, sonymen qatar habar-osharsyz ketken azamattardy izdestirýge, qoǵamdyq oryndardaǵy jaǵdaıdy baqylaýǵa jedel áreket etý úshin aıtarlyqtaı kómektesedi. Syrtqy beınebaqylaý júıeleriniń kómegimen 3646 qylmys ashyldy. Biz barlyq kameralardy kórýge qalaı úlgeremiz? Túsindiremin, qalanyń negizgi magıstraldary men strategıalyq aımaqtarynyń kameralary JBO-nyń negizgi panelinde kórsetiledi, al qalǵan kameralardy onlaın rejıminde kórip otyramyz», – dedi Arystanǵanı Zapparov.
Sonymen qatar polısıa qazirgi ýaqytta qalada 5034 kameradan turatyn 766 aparattyq-baǵdarlamalyq keshen baryn habarlady. Osy jyldyń sáýir aıynyń sońyna deıin taǵy 575 beket, onyń ishinde 2944 beınebaqylaý kamerasyn ornatý josparlanǵan.