Medısına qyzmetkerleriniń koronavırýstan bolǵan ólimi týraly ashyq resmı statısıka joq
Dúnıejúzilik densaýlyq saqtaý uıymynyń qazan aıyndaǵy esebine sáıkes, álemde kem degende 115 myń medısına qyzmetkeri koronavırýstan qaıtys bolǵan, dep habarlaıdy Almaty-akshamy.kz QazAqparat agenttigine silteme jasap.
«2020 jyldyń qańtarynan 2021 jyldyń mamyryna deıingi aralyqta 80-nen 180 myńǵa deıin dáriger COVID -19 ınfeksıasynan qaıtys bolýy múmkin. Demek, qazirgi ýaqytta ortasha eseppen bul kórsetkish 115 500-nan asady», - delingen uıym saıtynda jarıalanǵan málimette.
Reseıde medısına qyzmetkerleriniń koronavırýstan bolǵan ólimi týraly ashyq resmı statısıka joq. Sońǵy ret ótken jyldyń qyrkúıeginde Reseı Federasıasynyń Densaýlyq saqtaý mınıstrligi vırýs juqtyrǵan 258 dárigerdiń qaıtys bolǵanyn habarlaǵan edi.
Osy rette, halyqtyń qaıtys bolǵan aq halattylar týraly derekterdi derbes engizýine múmkindik beretin birqatar táýelsiz ınternet-jobalar bar. Sonyń biri – «Este qalar tizimde» búginde 1459 adamnyń aty-jóni jazylǵan.
Bıylǵy 17 qyrkúıekte Máskeýdegi Sechenov ýnıversıtetiniń aýmaǵyndaǵy Ómir aleıasynda indetke qarsy kúresken medısına qyzmetkerleriniń erligine arnalǵan monýmenttiń ashylýy kóz jumǵan qaharmandardy eske alýǵa arnalǵan sımvoldyq sharalardyń biri boldy.