Taǵy úsh boksshymyz jekpe-jekti jeńispen aıaqtady
Serbıa astanasy Belgrad qalasynda ótip jatqan bokstan álem chempıonatynda qazaqstandyq Aslanbek Shymbergenov ekinshi jekpe-jegin sátti ótkizdi, dep habarlaıdy Almaty-akshamy.kz QazAqparat agenttigine silteme jasap.
Aslanbek Shymbergenov (71 keli) ózbek sportshysy Shahram Gıasovpen kezdesti.
Birinshi raýnd qazaqstandyq boksshynyń basymdyǵymen aıaqtaldy. Ekinshi raýndta tórt tóreshi Aslanbekke senim bildirse, bireýi ózbek boksshysyna qoldaý kórsetti.
Endi Aslanbek 1/8 fınalda germanıalyq Magomed Shachıdovpen qolǵap túıistiredi.
Shahram Gıasov - tájirıbeli boksshynyń biri. 2016 jyly Rıo olımpıadasynda «kúmis» alsa, 2017 jyly Álem jáne Azıa chempıonatynda altynnan alqa taqty.
Aslanbek budan buryn 1/32 fınalda ırandyq Farhad Moradı Atashgahty tize búktirgen edi.
Eske salsaq, búgin Mahmýd Sabyrjan (54 keli), Samatálı Tóltaev (60 keli), Aıbek Oralbaı (92 keli) qarsylastarynan basym túsip, jarysty jalǵastyrýǵa múmkindik aldy.
Álem chempıonatyna el quramasynda 13 boksshy bardy. Olardyń arasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.