Baıqaýǵa oblys boıynsha 17 aýdan men 3 qala qatysty
Oqýshylar saraıynyń alańynda QR Sybaılas jemqorlyqqa qarsy is-qımyl Agenttiginiń Almaty oblysy boıynsha departamenti men oblystyq bilim basqarmasynyń uıymdastyrýymen «Adal urpaq» erikti mektep klýbtarynyń oblystyq sleti ótti, dep habarlaıdy Almaty-akshamy.kz.
Sletke Agenttiktiń Almaty oblysy boıynsha departamenti basshysynyń birinshi orynbasary Jandos Jumabaev, Almaty oblysy boıynsha departamentiniń Prevensıa basqarmasynyń basshysy Asqar Sadyqov, Almaty oblysy bilim basqarmasy basshysynyń orynbasary Aıjan Adambekova, Almaty oblysy boıynsha departamentiniń Prevensıa basqarmasynyń bas mamany Maqpal Bekkýlova jáne komanda kapıtandary men klýb qatysýshylary qatysty.
Baıqaýda oblys boıynsha 17 aýdan, 3 qalanyń Júzden - júırik, myńnan – tulpar atanǵan «Adal Urpaq» erikti mektep klýbtarynyń kapıtan komandalary óz aýdan, qalalaryndaǵy Sybaılas jemqorlyqqa qarsy kúres baǵytyndaǵy jobalardy qorǵady.
Sondaı-aq,Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń birinshi orynbasary Jandos Jumabaev is-shara jastardyń boıynda gýmanızm men ulttyq qundylyqtar negizinde sybaılas jemqorlyqqa qarsy mádenıetti qalyptastyrý maqsatynda uıymdastyrylǵanyn atap ótti.
«Adal urpaq». Bul-mektep oqýshylary men stýdentter arasynda uıymdastyrylatyn dástúrli shara. Maqsaty-jastardy sybaılas jemqorlyqpen kúresýge shaqyrý. Búgin bilim ordasynda jyl boıy sybaılas jemqorlyqqa qarsy qurylǵan «Adal urpaq» erikti mektep klýbtarynyń jasaǵan jumystaryn qorytyndalaý óz máresine keldi. Óskeleń urpaqtyń sybaılas jemqorlyqtan aýlaq bolýy úshin mektep qabyrǵasynan bastap osy baǵytta tárbıe berý mańyzdy».
Baıqaý qorytyndysy boıynsha bas júlde İle aýdany, I-oryn Panfılov aýdany, II- Kóksý aýdany, III – oryn Eńbekshiqazaq aýdany ıelendi.
Bas júlde ıegeri İle aýdany, M.Maqataev atyndaǵy №13 mekteptiń oqýshysy Zamanbek Symbat Ásetuly «Aqıqat alaqany» taqyrybynda joba qorǵady.
«Bul taqyrypty tańdaýdaǵy maqsatym QR Konstıtýsıasyn basshylyqqa ala otyryp sybaılas jemqorlyqqa qarsy otbasy róli jáne Qazaqstanda turatyn ózge ulttar men oblystardyń mádenı dástúrlerin, tilin, dinin qasterleýge jas urpaqty tárbıeleý. Qarapaıym halyqty aldamaý. Erteńgi kúnniń nesibesine qol suǵýǵa jol bermeý»,-deıdi uymdastyrýshylar.
Jeńimpazdar baǵaly syılyqtar jáne gramotalarmen marapattaldy.