Jobany Mádenıet jáne aqparat mınıstrligi jarıalady, dep habarlaıdy aqshamnews.kz.
— Beıbit jınalystarda buqaralyq aqparat quraly úshin habarlamalar men materıaldar jınaý, olardy óńdeý jáne daıyndaý kezinde jýrnalısiń ózimen birge jýrnalıs kýáligi bolady, - dep jazylǵan qujatta.
Sondaı-aq beıbit jıynnan habar taratatyn jýrnalıserdiń arnaıy aıyrym belgilerin taǵyp júrýi kerektigi aıtylǵan. Ol belgiler:
— Aldyńǵy jáne artqy jaǵynda «PRESS» degen jazýy bar ashyq kók tústi keýdeshe;
— Qanyq sary tústi, ortasynda «PRESS» degen jazýy bar jeńdegi tańǵysh;
— Ortasynda «PRESS» degen jazýy bar kók tústi japsyrma.
Beıbit jıyn ótip jatqan eldi mekenniń ákimdigi jýrnalıs jiberetin suraý negizinde jýrnalıserdi Jedel baspasóz ortalyǵyn uıymdastyrady. Buqaralyq aqparat quraly beıbit jınalys ótkiziletin kúnnen bir kún buryn jýrnalıserdiń sanyn kórsete otyryp, erkin nysanda suraý jiberedi.
Jedel baspasóz ortalyǵy lentamen qorshalyp, elektrmen jabdyqtalyp, foto, beınetúsirilim jasaýǵa, suhbat alýǵa jetkilikti jerden belgilenýi kerek.
Degenmen, jýrnalıser arnaıy lentamen qorshalǵan Jedel baspasóz ortalyǵynyń syrtynda da jumys isteı alatyny aıtylǵan.
Jergilikti ákimdikter jýrnalıserdi Jedel baspasóz ortalyǵyna alyp barýǵa, uıymdastyrýshylarmen jáne qatysýshylarmen suhbat uıymdastyrýǵa, qaýipsizdik sharalaryn túsindirýge mindetteledi.