Ótken 2024 jylmen qoshtasyp, jańa 2025 jyldy qarsy alatyn kún kelip jetti. Degenmen, mereke aldyndaǵy kezeń qarbalasqa toly. Jaqyndaryńa syılyqtar satyp alý, úıdi bezendirý jáne merekelik dastarhan jasaý – mańyzdy sharttardyń biri. Aspazdyqpen mamandanatyn bloger Dmıtrıı Kýsel Taspanews.kz redaksıasynyń oqyrmandaryna dástúrli taǵamdarǵa jańashyldyq qosa, as mázirin qalaı ádetten tys etip daıyndaýǵa bolatyny týraly keńes berdi.
Mamannyń aıtýynsha, ádettegi jańa jyldyq dástúrli taǵamdardy túrlendirýdiń eń ońaı joly – qoldanystaǵy taǵamdarǵa jańashyldyq qosý.
«Máselen, men aldyńǵy jyly ton astyndaǵy maıshabaq salatyn jasaǵanda maıshabaqtyń ornyna skýmbrıa qostym. Keremet shyqty, meniń oıymsha, maıshabaqtan asyp tústi. Sonymen qatar, ony qolmen keskennen góri maıda úkkishten ótkizgen jón, sonda salat jumsaq bolady»,
Fýd-bloger jańa jyldyq dastarhannyń taptyrmas bóligi – olıve salatyn da jańartýǵa bolady dep sanaıdy.
«Konservilengen burshaq ornyna muzdatylǵan burshaqty, shujyqtyń ornyna jylqy etin qosýǵa bolady. Eski qospalarly jańasymen aýystyryńyz. Alaıda, árıne, basqa da tásilderdi qarastyra, talǵamyńyz ben qalaýyńyzben sáıkestendirseńiz – óz erkińiz»,
Merekege daıyndyq kezinde ózińizdi kútip, ýaqytyńyzdy saqtaý mańyzdy. Fýd-bloger muny isteýdiń eń ońaı joly – kafeden nemese meıramhanadan daıyn taǵamdarǵa tapsyrys berý dep sanaıdy. Onyń aıtýynsha, qazirgi tańda mundaı qyzmet túrleri asa qoljetimdi, tek óz qaltańyzǵa qaraı tapsyrys jasaıtyn jerdi tańdasańyz bolǵany.
«Áıelderimizdi saqtaıyq. Úı sharýasyndaǵy áıelderimiz, analarymyz, ápkelerimiz ben ájelerimiz, qyzdarymyz demalsyn. Olardyń júıkesi men densaýlyǵy birqalypty bolǵanǵa ne jetsin. Jylyna bir ret ózińiz osylaı jasaýǵa beıimdelip, ǵalamtordan qalaǵan meıramhananyń jetkizý qyzmetin tańdasańyz bolǵany»,
Dmıtrıı Kýsel baıyrǵy ádetterdi joıý qajettiligin de atap ótti:
«Shyrsha janynda otyrǵannan bólek, Jańa jyl keshinen keıin otbasyńyzben birge taýǵa, shet elge, Kólsaı kólderinde baryp, toılasańyzdar da keremet. Munyń bári óz qıalyńyzǵa baılanysty»,