Dalanews/DALA INSIDE redaksıasynyń jýrnalıseri Astana qalasy máslıhatynyń eks-depýtaty, «G-Park» qurylys kompanıasy jáne onyń basshysy Ǵabıt Satmaǵambetov tarapynan qysym kórip, úndeý jasady, dep habarlaıdy Almaty-akshamy.kz
Dalanews jáne DALA INSIDE redaksıalarynyń táýelsiz jýrnalıseri «G-Park» qurylys kompanıasy jáne onyń basshysy Ǵabıt Satmaǵambetov týraly materıaldar jarıalanǵannan keıin qysymǵa tap bolǵanyn habarlaı otyryp, QR Bas prokýrory B.Asylovtan, QR Mádenıet jáne aqparat mınıstri A.Balaevadan, İİM mınıstri E.Sádenovten, «Ádil Sóz» Halyqaralyq sóz bostandyǵyn qorǵaý Qorynan, Qazaqstan jýrnalıser Odaǵynan, Qazaqstan Transparensı qorynan, Internews-ten, barlyq aqparat quraldary men jýrnalıserden qoldaý suraıdy.
DALA INSIDE «G-Park» týraly alǵashqy materıaldardan bastap oqıǵalar hronologıasyn tómendegideı baıandaıdy.
«Astana qalasynyń ákimi Jeńis Qasymbektiń 2023 jylǵy 22 jeltoqsandaǵy «G-Park kompanıasyna jańa nysandardyń qurylysyn bastaýǵa tyıym salý» týraly barlyq BAQ-ta taratylǵan jarıa málimdemesi, eks ákim Altaı Kólginov otstavkaǵa ketkennen keıin qurylys kompanıasynda problemalar bastalǵandyǵyn, burynǵy polısıa qyzmetkeri Ǵ.Sátmaǵambetovtiń jaǵdaıy máz emes degen tujyrymdy rastaı tústi. Sebebi, aldymen «G-Gark» JSHS «Jeneva» MJK nysany boıynsha boıynsha josyqsyz qurylys salýshylar tizimine engizildi. Al odan keıin ruqsat qujattary joq TK qurylysyna qatysty janjaldar, 2023 jylǵy tamyzda keńsede úleskerlerdiń mıtıńileri oryn aldy. Buǵan deıin Astanada qurylys kompanıalarynyń basshylary qashyp, zardap shekken úleskerlerdiń quqyqtary memleket tarapynan birneshe ret qorǵalǵandyqtan, olardyń mindettemeleri tıisinshe salyq tóleýshilerdiń qaltasynan, el búdjetinen jabyldy. Buqaralyq aqparat quraldarynda jeke qurylys kompanıasynyń kapıtalyn nemese bıznesin qorǵasyn degen esh mindetteme joq. Jýrnalıser ózderiniń kásibı boryshyna baılanysty tek qana azamattardy, úleskerlerdi jáne memleketti aldaǵy táýekelder týraly eskertýge mindetti. Sondyqtan mundaı kúrdeli máselelerdi ýaqtyly anyqtaý jáne jarıalaý kóbinese úleskerlerdiń quqyqtaryn jappaı buzýdy toqtatýǵa jáne aldyn alýǵa múmkindik beredi. Bizdiń redaksıanyń qyzmeti dál osy maqsatqa baǵyttalǵan.
2023 jyldyń 25 jeltoqsanynda DALA INSIDE telegram arnasynda «Qýat» oqıǵasy qaıtalanady. «G-Park» qurylys kompanıasynyń basshysy Ǵabıt Satmaǵambetov Dýbaıda jasyrynýǵa kóshti» taqyrybymen materıal jarıalandy.
Atalǵan materıal shyqqannan keıin «G-Park» basshysy Ǵabıt Satmaǵambetov óziniń Instagram paraqshasynda Astanada ekendigin jarıalap, redaksıaǵa bizdiń jarıalanymdy joqqa shyǵarý týraly talap jiberdi. Osydan keıin, 2023 jyldyń 28 jeltoqsanynda DALA INSIDE Ǵabıt Satmaǵambetovtyń Astanada ekendigi týraly aqparatyna silteme jasaı otyryp, aldyńǵy materıaldy teriske shyǵarady. Iaǵnı, jarıalanǵan aqparat jedel túrde teriske shyǵarylyp, eski post alynyp tastalǵannan keıin, másele sol jerde joıyldy dep eseptedik. Alaıda Satmaǵambetov myrza joq jerden «tyrnaq astynan kir izdeýdi» jalǵastyrdy» - deıdi Dalanews/DALA INSIDE redaksıasynyń jýrnalıseri.
Ǵabıt Satmaǵambetov jýrnalıserdiń negizsiz shabýylyna ushyrap, Dýbaıǵa barmaǵandyǵyn alǵa tartyp 2024 jyldyń 4 qańtarynda Astana qalasy polısıa departamentine aryz jazǵan. Osydan keıin Astana qalasy polısıa Departamentiniń jedel tergeý basqarmasy 365info.kz jáne DALA INSIDE redaksıa qyzmetkerlerinen jaýap alý úshin olardy Almaty men Astana qalasynan shaqyrǵan.
Qazirgi ýaqytta jýrnalıser tintý, keńse tehnıkasyn alyp qoıý jáne qamaýǵa alýǵa sanksıa berý qaýpi bar dep qaýiptenýde.
«BAQ týraly Zańnyń 20-babyna qaramastan, tergeýshiniń negizgi maqsaty jýrnalıserdi daýly qurylys kompanıasy týraly aqparatty qaı derekkózden alǵanyn ashýǵa májbúrleý boldy. Astana qalalyq Polısıa departamentiniń tergeý basqarmasy naqty kúdiktiniń joqtyǵyna jáne bizdiń aqparatty jarıa etpeý týraly esh qujatqa qol qoımaǵanymyzǵa qaramastan, atalǵan is týraly aqparattyń ashylǵany úshin jaýapkershilik bolatynyn qaıta-qaıta eskertýge tyrysty. Biz ózimizdiń durystyǵymyzǵa jáne aqparatymyzdy berý tásiline senimdimiz. Sondyqtan sotta óz pozısıamyzdy sońyna deıin qorǵaımyz jáne adal, kásibı jýrnalısıka quqyq qorǵaý organynyń burynǵy qyzmetkeri, G-Park bıznesin ustaýshy Ǵ.Satmaǵambetovtyń ambısıasynan, onyń baılanystarynan da joǵary ekenin dáleldeımiz. Ol óz bıznesiniń problemalarynan alshaqtap shetelge ketti degen sózge renjidi. Al bul qurylys kompanıasyna sengen úleskerleriniń taǵdyry qalaı bolmaq? Biz olardyń zańdy quqyqtary men múddelerin qorǵaı alamyz ba? Biz bul suraqtarǵa artynan jaýap alatyn bolamyz. Óıtkeni úleskerlerdiń mıtıńileri men qurylysqa tyıym salynǵanyna qaramastan, Satmaǵambetov turaqty túrde álem boıynsha saıahattaýdy jalǵastyrýda jáne kóptegen elderge baryp úlgerdi. Osydan keıin, ol shetelden shyqpasa, bıznestiń problemalarynan alshaqtady dep qalaı aıta almaımyz?» - deıdi redaksıa jýrnalıseri.
Atalǵan másele QR Mádenıet jáne aqparat mınıstri Aıda Balaevanyń nazarynan tys qalmady. A.Balaeva táýelsiz basylymynyń aınalasyndaǵy jaǵdaıdy baqylaýǵa alǵany jaıynda óziniń áleýmettik paraqshasynda jazba jarıalady.
«Qazaqstan Respýblıkasynyń Konstıtýsıasyna, sondaı-aq «Buqaralyq aqparat quraldary týraly» zańǵa sáıkes elimizde sóz bostandyǵyna kepildik berilgenin, senzýraǵa tyıym salynǵanyn atap ótý mańyzdy.
Sonymen qatar, joǵaryda atalǵan zańnyń 20-babyna sáıkes, jýrnalıs avtorlyq jáne aqparat kózderiniń qupıasy sottyń talap etýimen jarıalanǵan jaǵdaılardy qospaǵanda, qupıany saqtaýǵa quqyǵy bar.
Qazirgi ýaqytta Dala news redaksıasy buryn jarıalanǵan málimetterdi joqqa shyǵaryp, sol arqyly qoldanystaǵy zańnamaǵa sáıkes BAQ mindettemesin oryndaǵan maqala jarıalady.
Osy faktini nazarǵa ala otyryp, Mınıstrlik jaǵdaıdy erekshe baqylaýda ustaıdy. Sondaı-aq atalǵan BAQ-qa kórsetilýi múmkin qysymnan qorǵaý maqsatynda quqyq qorǵaý organdarymen birlesip tıisti jumys júrgizýde», -delingen jazbada.
Óz kezeginde Dalanews, DALA INSIDE jáne «Qala men Dala» gazetiniń quryltaıshysy óz jumysyn atqarǵan redaksıa jýrnalıserin aıaǵyna deıin qorǵaýǵa nıetti.